ਮੋਗਾ, 2 ਨਵੰਬਰ (ਜਸ਼ਨ)-ਸਪੈਸ਼ਲ ਪੁਲਿਸ ਮਹਿਣਾ ਨੇ ਖਾਸ ਸੂਚਨਾ ਤੇ ਮੋਗਾ ਲੁਧਿਆਣਾ ਰੋਡ ’ਤੇ ਕਸਬਾ ਅਜੀਤਵਾਲ ਨੇੜੇ ਨਾਕਾ ਲਗਾ ਕੇ ਚੋਰੀ ਦੀ ਖਾਦ ਲੈ ਜਾ ਰਹੇ ਚਾਰ ਵਿਅਕਤੀਆਂ ਨੂੰ ਕਾਬੂ ਕਰ ਲਿਆ ਜਦਕਿ ਉਹਨਾਂ ਦੇ ਦੋ ਸਾਥੀ ਮੌਕੇ ਤੋਂ ਫਰਾਰ ਹੋ ਗਏ। ਪੁਲਿਸ ਨੇ ਖਾਦ ਨਾਲ ਲੱਦਿਆ ਛੋਟੇ ਹਾਥੀ ਨੂੰ ਵੀ ਕਬਜੇ ਵਿਚ ਲੈ ਲਿਆ। ਅਜੀਤਵਾਲ ਥਾਣੇ ਦੇ ਸਹਾਇਕ ਅਫਸਰ ਜਸਵੰਤ ਸਿੰਘ ਨੇ ‘ਸਾਡਾ ਮੋਗਾ ਡੌਟ ਕੌਮ’ ਦੇ ਪ੍ਰਤੀਨਿੱਧ ਨੂੰ ਦੱਸਿਆ ਕਿ ਪੁਲਿਸ ਨੂੰ ਇਹ ਇਤਲਾਹ ਮਿਲੀ ਸੀ ਕਿ ਕੁਝ ਵਿਅਕਤੀ ਖਾਦ ਚੋਰੀ ਕਰਕੇ ਅੱਗੇ ਵੇਚ ਦਿੰਦੇ ਹਨ । ਇਸੇ ਸਬੰਧ ਵਿਚ ਪੁਲਿਸ ਪਾਰਟੀ ਵੱਲੋਂ ਅਜੀਤਵਾਲ ਵਿਖੇ ਲਗਾਏ ਨਾਕੇ ਦੌਰਾਨ ਚਾਰ ਜਣਿਆਂ ਰਣਜੋਧ ਸਿੰਘ ਪੁੱਤਰ ਜੋਗਿੰਦਰ ਸਿੰਘ ਵਾਸੀ ਢੰਡੀਆਂ ,ਠਾਣਾ ਸਿੰਘ ਪੁੱਤਰ ਪੱਪੂ ਵਾਸੀ ਜੀਰਾ , ਰਣਜੋਧ ਸਿੰਘ ਪੁੱਤਰ ਮੰਗਲ ਸਿੰਘ ਅਤੇ ਸ਼ੌਂਕੀ ਪੁੱਤਰ ਸੇਠੀ ਵਾਸੀ ਸ਼ਾਹ ਵਾਲਾ ਨੂੰ ਕਾਬੂ ਕੀਤਾ । ਇਹ ਸਾਰੇ ਛੋਟਾ ਹਾਥੀ ਗੱਡੀ ਨੰਬਰ ਪੀ 29 ਐੱਚ 1515 ’ਤੇ ਸਵਾਰ ਸਨ । ਜਾਣਕਾਰੀ ਅਨੁਸਾਰ ਇਹਨਾਂ ਚਾਰਾਂ ਨਾਲ ਦੋ ਹੋਰ ਵਿਅਕਤੀ ਜਗਸੀਰ ਸਿੰਘ ਪੁੱਤਰ ਮੰਗਲ ਸਿੰਘ ਸ਼ਾਹ ਵਾਲਾ ਅਤੇ ਪ੍ਰਦੀਪ ਸਿੰਘ ਸਨੇਰਾਂ ਵੀ  ਛੋਟੇ ਹਾਥੀ ’ਤੇ ਸਵਾਰ ਸਨ ਪਰ ਉਹ ਫਰਾਰ ਹੋਣ ਵਿਚ ਸਫਲ ਹੋ ਗਏ। ਪੁਲਿਸ ਨੇ ਮਾਮਲਾ ਅਜੀਤਵਾਲ ਥਾਣੇ ਵਿਚ ਦਰਜ ਕਰਕੇ ਕਾਾਰਵਾਈ ਆਰੰਭ ਕਰ ਦਿੱਤੀ ਹੈ।