ਮੋਗਾ, 28 ਅਕਤੂਬਰ (ਜਸ਼ਨ)-ਬੀਤੇ ਦਿਨੀਂ ਮਲੋਟ ਵਿਚ ਹੋਈ ਹੈੰਡਬਾਲ ਅੰਡਰ-14 ਮੁਕਾਬਲੇ ਵਿਚ ਮਾੳੂਂਟ ਲਿਟਰਾ ਜ਼ੀ ਸਕੂਲ ਦੇ ਵਿਦਿਆਰਥੀਆ ਨੇ ਮੱਲਾਂ ਮਾਰੀਆ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸਕੂਲ ਦੇ ਡਾਇਰੈਕਟਰ ਅਨੁਜ ਗੁਪਤਾ ਤੇ ਪਿ੍ਰੰਸੀਪਲ ਨਿਰਮਲ ਧਾਰੀ ਨੇ ਦੱਸਿਆ ਕਿ ਬੀਤੇ ਦਿਨੀ ਮਲੋਟ ਵਿਖੇ ਹੋਈ ਹੈੰਡਬਾਲ ਅੰਡਰ-14 ਮੁਕਾਬਲੇ ਵਿਚ ਸਕੂਲ ਦੇ ਵਿਦਿਆਰਥੀਆਂ ਵਿਨੀਤ ਕੁਮਾਰ, ਆਕਾਸ਼, ਗੁਰਕੰਵਰ, ਜਸਪ੍ਰੀਤ, ਜਸਕਰਨ, ਅਜੇ ਕਰਨ ਸਿੰਘ, ਮਨਜੀਤ, ਗੁਰਤੇਜ, ਦਮਨ, ਯੋਗਰਾਜ, ਅਰਮਾਨ, ਹਰਮਨ ਨੇ ਵਧੀਆ ਪ੍ਰਦਰਸ਼ਨ ਕੀਤਾ। ਉਹਨਾਂ ਦੱਸਿਆ ਕਿ ਸਕੂਲ ਦੇ ਦੋ ਵਿਦਿਆਰਥੀਆਂ ਵਿਨੀਤ ਕੁਮਾਰ ਤੇ ਆਕਾਸ਼ ਦਾ ਸੂਬਾ ਪੱਧਰੀ ਖੇਡਾਂ ਲਈ ਚੋਣ ਹੋਈ ਹੈ। ਉਹਨਾਂ ਵਿਦਿਆਰਥੀਆਂ, ਡੀ.ਪੀ ਜਗਸੀਰ ਸਿੰਘ, ਮਨਪ੍ਰੀਤ ਸਿੰਘ ਤੇ ਸਟਾਫ ਨੂੰ ਇਸ ਪਾ੍ਰਪਤੀ ਲਈ ਵਧਾਈ ਦਿਤੀ। ਉਹਨਾਂ ਕਿਹਾ ਕਿ ਸੂਬਾ ਪੱਧਰ ਤੇ ਚੁਣੇ ਗਏ ਵਿਦਿਆਰਥੀਆਂ ਨੂੰ ਵਧੀਆ ਪ੍ਰਦਰਸ਼ਨ ਕਰਕੇ ਆਪਣਾ, ਸਕੂਲ ਤੇ ਮਾਪਿਆਂ ਦਾ ਨਾਂਅ ਰੋਸ਼ਨ ਕਰਨ ਦਾ ਮੌਕਾ ਪ੍ਰਾਪਤ ਹੋਇਆ ਹੈ। ਉਹਨਾਂ ਕਿਹਾ ਕਿ ਸਕੂਲ ਦਾ ਮੁੱਖ ਮੰਤਵ ਪੜਾਈ ਦੇ ਨਾਲ-ਨਾਲ ਖੇਡਾਂ ਵੱਲ ਪ੍ਰੇਰਿਤ ਕਰਨਾ ਹੈ, ਤਾਂ ਜੋ ਉਹ ਅਕਾਦਮਿਕ ਸਿੱਖਿਆ ਦੇ ਨਾਲ ਨਾਲ ਖੇਡਾਂ ਦੇ ਖੇਤਰ ਵਿਚ ਮੱਲਾਂ ਮਾਰ ਸਕਣ।