ਮੋਗਾ,29 ਅਕਤੂਬਰ (ਜਸ਼ਨ)-‘ਕਾਂਗਰਸ ਆਪਣੇ ਵਰਕਰਾਂ ਨੂੰ ਹਮੇਸ਼ਾ ਬਣਦਾ ਮਾਣ ਸਤਿਕਾਰ ਦਿੰਦੀ ਆਈ ਹੈ । ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਯੂਥ ਕਾਂਗਰਸ ਮੋਗਾ ਦੇ ਜ਼ਿਲਾ ਪ੍ਰਧਾਨ ਮਿੱਕੀ ਹੰੁਦਲ ਅਤੇ ਸ਼ਹਿਰੀ ਪ੍ਰਧਾਨ ਰਮਨ ਮੱਕੜ ਨੇ ਯੂਥ ਕਾਂਗਰਸ ਦੇ ਕਾਰਕੰੁਨਾਂ ਨੂੰ ਨਿਯੁਕਤੀ ਪੱਤਰ ਦਿੰਦਿਆਂ ਕੀਤਾ। ਸ਼ਹਿਰੀ ਅਧਿਆਕਸ਼ ਰਮਨ ਮੱਕੜ ਦੀ ਅਗਵਾਈ ਵਿਚ ਕਰਵਾਏ ਗਏ ਸਮਾਗਮ ਵਿਚ ਭਾਰੀ ਗਿਣਤੀ ਵਿਚ ਪਹੰੁਚੇ ਨੌਜਵਾਨਾਂ ਨੇ ਪਾਰਟੀ ਨਾਲ ਜੁੜਨ ਦੀ ਇੱਛਾ ਪ੍ਰਗਟਾਈ। ਨੌਜਵਾਨਾਂ ਨੂੰ ਨਿਯੁਕਤੀ ਪੱਤਰ ਦਿੰਦਿਆਂ ਮਿੱਕੀ ਹੰੁਦਲ ਅਤੇ ਰਮਨ ਮੱਕੜ ਨੇ ਆਖਿਆ ਕਿ ਨੌਜਵਾਨ ਸਮਾਜ ਦੀ ਰੀੜ ਦੀ ਹੱਡੀ ਹੰੁਦੇ ਹਨ । ਉਹਨਾਂ ਕਿਹਾ ਕਿ ਨੌਜਵਾਨਾਂ ਦਾ ਕਾਂਗਰਸ ਪਾਰਟੀ ਨਾਲ ਜੁੜਨ ਨਾਲ ਪਾਰਟੀ ਨੂੰ ਨਵਾਂ ਜੋਸ਼ ਮਿਲੇਗਾ। ਰਮਨ ਮੱਕੜ ਨੇ ਆਖਿਆ ਕਿ ਪਾਰਟੀ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਨੌਜਵਾਨ ਕਾਂਗਰਸ ਦੇ ਜ਼ਿਲਾ ਪ੍ਰਧਾਨ ਮਿੱਕੀ ਹੰੁਦਲ ਦੀ ਅਗਵਾਈ ਵਿਚ ਪਾਰਟੀ ਵਿਚ ਨੋਜਵਾਨਾਂ ਨੂੰ ਜੋੜ ਕੇ ਨਿਯੁਕਤੀਆਂ ਕੀਤੀਆਂ ਜਾ ਰਹੀਆਂ ਹਨ । ਮੱਕੜ ਨੇ ਆਖਿਆ ਕਿ ਕਰਨ ਸਿਗੰਲਾ ਨੂੰ ਯੂਥ ਕਾਂਗਰਸ ਦਾ ਮੀਤ ਪ੍ਰਧਾਨ ,ਕਿਸ਼ਨ ਗਾਂਧੀ ਨੂੰ ਜਨਰਲ ਸਕੱਤਰ ,ਨਿਤੀਸ਼ ਗਰਗ ਨੂੰ ਵਾਰਡ ਨੰਬਰ 42 ਦਾ ਪ੍ਰਧਾਨ ਅਤੇ ਅਨੁਰਾਗ ਅਗਰਵਾਲ ਨੂੰ ਵਾਰਡ ਨੰਬਰ 28 ਦਾ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ। ਉਹਨਾਂ ਦੱਸਿਆ ਕਿ ਜਲਦੀ ਹੀ ਵਾਰਡਾਂ ਦੇ ਹੋਰ ਨੌਜਵਾਨਾਂ ਨੂੰ ਨਿਯੁਕਤੀ ਪੱਤਰ ਦਿੱਤੇ ਜਾਣਗੇ। ਇਸ ਮੌਕੇ ਜਨਤ ਗਿੱਲ,ਹਨੀ ਢਿੱਲੋਂ ,ਅਨਮੋਲ ਬਾਂਸਲ,ਪਿ੍ਰੰਸ ਡੈਨੀ ,ਵਿਕਰਮ ਪੱਤੋ,ਦਵਿੰਦਰ ਬਰਾੜ,ਮਨੋਜ ਸਿੰਗਲਾ,ਅਨਿਕੇਤ ਗਰਗ ,ਮਨਿਕ ਗਰਗ ,ਸੌਰਵ ਪੁਰੀ,ਪ੍ਰੀਤ ,ਵਾਸੂ ਸਿੰਗਲਾ, ਪ੍ਰਦੀਪ ਸ਼ਾਹੀ ,ਰਿਸ਼ੂ ਬਾਂਗਰ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਨੌਜਵਾਨ ਹਾਜ਼ਰ ਸਨ । ਇਸ ਮੌਕੇ ਮਿੱਕੀ ਹੰੁਦਲ ਅਤੇ ਰਮਨ ਮੱਕੜ ਨੇ ‘ਸਾਡਾ ਮੋਗਾ ਡੌਟ ਕੌਮ ’ ਨਿੳੂਜ਼ ਪੋਰਟਲ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਇਹਨਾਂ ਨੌਜਵਾਨਾਂ ਨੂੰ ਨਿਯੁਕਤੀ ਪੱਤਰ ਦੇ ਕੇ ਪਾਰਟੀ ਵਿਚ ਸਵਾਗਤ ਕੀਤਾ ਜਾਂਦਾ ਹੈ ਤੇ ਉਹ ਆਸ ਕਰਦੇ ਹਨ ਕਿ ਇਹ ਨੌਜਵਾਨ ਯੂਥ ਕਾਂਗਰਸ ਵਿਚ ਨਵਾਂ ਜੋਸ਼ ਭਰਨਗੇ ਅਤੇ ਕਾਂਗਰਸ ਪਾਰਟੀ ਦੀਆਂ ਸੁਹਿਰਦ ਨੀਤੀਆਂ ਨੂੰ ਘਰ ਘਰ ਪਹੰੁਚਾਉਣ ਲਈ ਦਿਨ ਰਾਤ ਮਿਹਨਤ ਕਰਨਗੇ। ।