ਦੌਲਤਪੁਰਾ,26 ਅਕਤੂਬਰ (ਜਸ਼ਨ)-ਮੋਗਾ ਜ਼ਿਲੇ ਦੇ ਪਿੰਡ ਬੱਲ ਵਿਖੇ ਬਾਬਾ ਮਸਤ ਮੋਤੀ ਸ਼ਾਹ ਜੀ ਦੀ ਯਾਦ ਨੂੰ ਸਮਰਪਿਤ 29ਵਾਂ ਕਬੱਡੀ ਕੱਪ ਟੂਰਨਾਮੈਂਟ ਕਰਵਾਇਆ ਗਿਆ ।  ਇਸ ਟੂਰਨਾਮੈਂਟ ਦਾ ਉਦਘਾਟਨ ਸੀਨੀਅਰ ਅਕਾਲੀ ਆਗੂ ਅਤੇ ਮੈਂਬਰ ਜਿਲਾ ਪ੍ਰੀਸ਼ਦ ਸ.ਬੂਟਾ ਸਿੰਘ ਦੌਲਤਪੁਰਾ ਵੱਲੋਂ ਕੀਤਾ ਗਿਆ। ਪੰਜ ਪਿੰਡਾਂ ਝੰਡਾ ਬੱਗਾ,ਦਾਨੇਵਾਲ,ਮੌਜੇਵਾਲਾ,ਕੜਾਹੇਵਾਲਾ ਅਤੇ ਪਿੰਡ ਬੱਲ ਦੇ ਸਹਿਯੋਗ ਨਾਲ ਕਰਵਾਏ ਟੂਰਨਾਮੈਂਟ ਵਿਚ ਕਬੱਡੀ ਖਿਡਾਰੀਆਂ ਨੇ ਆਪਣੀ ਖੇਡ ਕਲਾ ਨਾਲ ਦਰਸ਼ਕਾਂ ਨੂੰ ਪ੍ਰਭਾਵਿਤ ਕੀਤਾ। ਇਸ ਮੌਕੇ ਕਬੱਡੀ ਦੇ ਫਸਵੇ ਮੁਕਾਬਲੇ ਹੋਏ । ਇਨਾਮਾਂ ਦੀ ਵੰਡ ਕਰਨ ਦੀਆਂ ਰਸਮਾਂ ਸੀਨੀਅਰ ਅਕਾਲੀ ਆਗੂ ਅਤੇ ਮੈਂਬਰ ਜਿਲਾ ਪ੍ਰੀਸ਼ਦ ਸ.ਬੂਟਾ ਸਿੰਘ ਦੌਲਤਪੁਰਾ,ਪ੍ਰਧਾਨ ਜਸਵੰਤ ਸਿੰਘ ਬੱਲ ਮਨੀਲਾ,ਸ਼ਿਦਰਪਾਲ ਸਿੰਘ ਸੇਖੋਂ ਖਜਾਨਚੀ , ਏ ਐੱਸ ਆਈ ਕਾਬਲ ਸਿੰਘ ਬੱਲ , ਗ੍ਰਾਮ ਪੰਚਾਇਤ ਅਤੇ ਟੂਰਨਾਮੈਂਟ ਕਮੇਟੀ ਨੇ ਨਿਭਾਈਆਂ । ਇਸ ਮੌਕੇ ਮੈਂਬਰ ਜਿਲਾ ਪ੍ਰੀਸ਼ਦ ਸ.ਬੂਟਾ ਸਿੰਘ ਦੌਲਤਪੁਰਾ ‘ਸਾਡਾ ਮੋਗਾ ਡੌਟ ਕੌਮ’ ਨਿੳੂਜ਼ ਪੋਰਟਲ ਦੇ ਪ੍ਰਤੀਨਿੱਧ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਪੰਜਾਂ ਪਿੰਡਾਂ ਦੀਆਂ ਸੰਗਤਾਂ ਧੰਨਤਾ ਦੀਆਂ ਪਾਤਰ ਹਨ ਜਿਹਨਾਂ ਦੇ ਸਹਿਯੋਗ ਨਾਲ ਟੂਰਨਾਮੈਂਟ ਨੇਪਰੇ ਚੜਿਆ ਹੈ ਅਤੇ ਨੌਜਵਾਨਾਂ ਨੂੰ ਖੇਡਾਂ ਪ੍ਰਤੀ ਪ੍ਰੇਰਿਤ ਹੋ ਕੇ ਨਸ਼ਿਆਂ ਤੋਂ ਬਚਣ ਦੀ ਚੇਟਕ ਲੱਗੀ ਹੈ।