* ਸੇਵਾ ਅਤੇ ਸਿਮਰਨ ਦੀ ਮਿਸਾਲ ਦਰਸ਼ਨ ਸਿੰਘ ਭੁੱਲਰ ਦਾ ਚਲਾਣਾ ਵੱਡਾ ਘਾਟਾ-ਬਾਬਾ ਅਮਰ ਸਿੰਘ

ਮੋਗਾ,22 ਅਕਤੂਬਰ (ਜਸ਼ਨ)-ਪ੍ਰੋਗਰੈਸਿਵ ਯੂਥ ਆਰਗੇਨਾਈਜੇਸ਼ਨ ਆਫ ਪੰਜਾਬ ਦੇ ਕੌਮੀ ਪ੍ਰਧਾਨ ਸ: ਬਲਕਾਰ ਸਿੰਘ ਭੁੱਲਰ ਅਤੇ ਹਰਜਿੰਦਰ ਸਿੰਘ ਮਨੀ ਭੁੱਲਰ ਦੇ ਪਿਤਾ ਸ: ਦਰਸ਼ਨ ਸਿੰਘ ਭੁੱਲਰ ਦੀ ਅੰਤਿਮ ਅਰਦਾਸ ਪਿੰਡ ਤਲਵੰਡੀ ਮਝੂਕੇ ਵਿਖੇ ਗੁਰਦੁਆਰਾ ਸਾਹਿਬ ਵਿਖੇ ਕੀਤੀ ਗਈ । ਇਸ ਮੌਕੇ ਸਹਿਜ ਪਾਠਾਂ ਦੇ ਭੋਗ ਪਾਏ ਗਏ ਅਤੇ ਰਾਗੀ ਜੱਥਿਆਂ ਨੇ ਵੈਰਾਗਮਈ ਕੀਰਤਨ ਕੀਤਾ।  ਇਸ ਮੌਕੇ ਵੱਖ ਵੱਖ ਰਾਜਸੀ ,ਧਾਰਮਿਕ ਅਤੇ ਸਮਾਜ ਸੇਵੀ ਜਥੇਬੰਦੀਆਂ ਵੱਲੋਂ ਦਰਸ਼ਨ ਸਿੰਘ ਭੁੱਲਰ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਗਏ। ਇਸ ਮੌਕੇ ਬਾਬਾ ਅਮਰ ਸਿੰਘ ਨੇ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਆਖਿਆ ਕਿ ਮੌਤ ਕੁਦਰਤ ਦਾ ਇਕ ਅਟੱਲ ਵਰਤਾਰਾ ਹੈ ਪਰ ਦਰਸ਼ਨ ਸਿੰਘ ਭੁੱਲਰ ਵੱਲੋਂ ਤਮਾਮ ਉਮਰ ਗੁਰਦੁਆਰਾ ਸਾਹਿਬ ਵਿਖੇ ਪ੍ਰਧਾਨਗੀ ਦੇ ਫਰਜ਼ ਨਿਭਾਉਂਦਿਆਂ ਇਕ ਨਿਮਰ ਸਿੱਖ ਵਾਂਗ ਸੇਵਾ ਅਤੇ ਸਿਮਰਨ ਦੀ ਮਿਸਾਲ ਬਣ ਕੇ ਦਿਖਾਇਆ ਅਤੇ ਅਜਿਹੇ ਪੁਰਖਾਂ ਦੇ ਇਸ ਦੁਨੀਆਂ ਤੋਂ ਰੁਖ਼ਸਤ ਹੋਣ ’ਤੇ ਨਿਸਚੈ ਹੀ ਵੱਡਾ ਘਾਟਾ ਪੈਂਦਾ ਹੈ। ਇਸ ਮੌਕੇ ਮਾਰਕਫੈਡ ਦੇ ਚੇਅਰਮੈਨ ਖਣਮੁੱਖ ਭਾਰਤੀ ਪੱਤੋ ਨੇ ਦਰਸ਼ਨ ਸਿੰਘ ਭੁੱਲਰ ਦੇ ਸਪੁੱਤਰ ਬਲਕਾਰ ਸਿੰਘ ਭੁੱਲਰ ਅਤੇ ਸਮੁੱਚੇ ਪਰਿਵਾਰ ਵੱਲੋਂ ਆਪਣੇ ਪਿਤਾ ਦੇ ਆਖਰੀ ਸਮੇਂ ਤੱਕ ਕੀਤੀ ਅਣਥੱਕ ਸੇਵਾ ਦਾ ਜ਼ਿਕਰ ਕਰਦਿਆਂ ਆਖਿਆ ਕਿ ਇਹ ਦਰਸ਼ਨ ਸਿੰਘ ਵੱਲੋਂ ਦਿੱਤੇ ਸੰਸਕਾਰਾਂ ਦੀ ਬਦੌਲਤ ਹੀ ਸੰਭਵ ਹੋ ਸਕਿਆ ਅਤੇ ਇਸੇ ਕਰਕੇ ਪ੍ਰੋਗਰੈਸਿਵ ਯੂਥ ਆਰਗੇਨਾਈਜੇਸ਼ਨ ਬਣਾ ਕੇ ਬਲਕਾਰ ਸਿੰਘ ਭੁੱਲਰ ਆਪਣੇ ਨੌਜਵਾਨ ਸਾਥੀਆਂ ਸਮੇਤ ਨਿਸ਼ਕਾਮ ਸਮਾਜ ਸੇਵਾ ਲਈ ਹਰ ਪਲ ਤੱਤਪਰ ਰਹਿੰਦਾ ਹੈ। ਇਸ ਮੌਕੇ ਪਰਮਿੰਦਰ ਸਿੰਘ ਮੌੜ ,ਜਸਵਿੰਦਰ ਸਿੰਘ ਖੇਤੀਬਾੜੀ ਅਫਸਰ,ਗਗਨ ਸਿੰਘ ਕੋਕਰੀਵਾਲਾ ਆਦਿ ਸਵਰਗੀ ਦਰਸ਼ਨ ਸਿੰਘ ਭੁੱਲਰ ਦੇ ਨਿੱਘੇ ਸੁਭਾਅ ਬਾਰੇ ਚਾਨਣਾ ਪਾਇਆ। ਇਸ ਮੌਕੇ ਸਤਨਾਮ ਸਿੰਘ ਐੱਸ ਪੀ,ਕੁਲਜਿੰਦਰ ਸਿੰਘ ਡੀ ਐੱਸ ਪੀ, ਪੁਸ਼ਪਿੰਦਰ ਸਿੰਘ ਪੱਪੀ ਐੱਸ ਐੱਸ ਓ,ਰਾਜੇਸ਼ ਹਸਤੀਰ ਐੱਸ ਐੱਚ ਓ,ਜਸਵਰਿੰਦਰ ਸਿੰਘ ਐੱਸ ਐੱਚ ਓ , ਜਸਵਿੰਦਰ ਸਿੰਘ ਐੱਸ ਐੱਚ ਓ,ਮਨਜੀਤ ਮਾਨ ਕੌਂਸਲਰ,ਇੰਦਰਜੀਤ ਸਿੰਘ ਠੇਕੇਦਾਰ,ਇੰਦਰਪਾਲ ਸਿੰਘ ਬੱਬੀ ਠੇਕੇਦਾਰ ,ਸੁਖਦੇਵ ਸਿੰਘ ਪੱਤੋ,ਭਰਪੂਰ ਸਿੰਘ,ਸ: ਅਮਰ ਸਿੰਘ ਸਲੀਣਾ,ਗੋਰਾ ਸਰਪੰਚ ਮਝੂਕੇ, ਰਾਜਦੀਪ ਸਿੰਘ ਕਾਲਾ,ਕੁਲਦੀਪ ਸਿੰਘ ਕੋਕਰੀ ਸਰਪੰਚ,ਤਰਨਜੀਤ ਸਿੰਘ ਦੁੱਗਲ,ਜਸਕਰਨ ਸਿੰਘ ਏ ਐੱਸ ਈ,ਸਤੀਸ਼ ਕੁਮਾਰ ਕਾਲਾ ਜੀਰਾ,ਮਿੰਟੂ ਸਰਪੰਚ ਬੀਹਲਾ,ਅਮਰਜੀਤ ਸਿੰਘ ਬਲਾਕ ਪ੍ਰਧਾਨ ਕਾਂਗਰਸ,ਸਰਪ੍ਰੀਤ ਸਿੰਘ ਕੋਠੇ, ਸ਼ਮਸ਼ੇਰ ਸਿੰਘ ਮੱਟਾ ਜੌਹਲ ਐੱਮ ਸੀ, ਪਵਿੱਤਰ ਸਿੰਘ ਸੇਖੋਂ ਪ੍ਰਧਾਨ,ਗੁਰਪ੍ਰੀਤ ਸਿੰਘ ਕੁੱਸਾ ਪ੍ਰਧਾਨ ਵਾਲੀਬਾਲ ਐਸੋਸੀਏਸ਼ਨ,ਗੁਰਪ੍ਰੀਤ ਸਿੰਘ ਥੋਥੜ,ਨਾਮਦੇਵ ਢਿੱਲੋਂ ,ਰਾਜੂ ਸਲੀਣਾ,ਰਾਣਾ ਸਿੰਘ ਡਰੋਲੀ,ਵਿੱਕੀ ਸ਼ਰਮਾ,ਗੁਰਦੀਪ ਸਿੰਘ ਗੋਗੀ, ਸੁਰਜੀਤ ਸਿੰਘ ਸੈਣੀ ,ਬਿੰਦਰ ਮਨੀਲਾ ਟਰੱਕ ਯੂਨੀਅਨ ਜਗਰਾਓਂ, ਪੀ ਵਾਈ ਓ ਦੇ ਜ਼ਿਲਾ ਪ੍ਰਧਾਨ ਰਾਜਦੀਪ ਸਿੰਘ ,ਅਮਰੀਕ ਸਿੰਘ , ਲਖਵੀਰ ਸਿੰਘ ਅਲਕੜਾ ਅਤੇ ਭਾਰੀ ਗਿਣਤੀ ਵਿਚ ਪਿੰਡ ਵਾਸੀ ਅਤੇ ਸੰਗਤਾਂ ਹਾਜ਼ਰ ਸਨ।