ਸਮਾਧ ਭਾਈ,18 ਅਗਸਤ (ਪੱਤਰ ਪਰੇਰਕ) ਦਸਵਾਂ ਗਣਪਤੀ ਮਹਾਉਤਸਵ ਮਨਾਉਣ ਸਬੰਧੀ ਗਣਪਤੀ ਸੇਵਾ ਮੰਡਲ ਬਾਘਾ ਪੁਰਾਣਾ ਵੱਲੋਂ ਇਕ ਵਿਸ਼ਾਲ ਪੋਸਟਰ ਰਿਲੀਜ ਕਰਕੇ ਜਾਣਕਾਰੀ ਦਿੱਤੀ ਗਈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਮੰਡਲ ਦੇ ਪ੍ਰਧਾਨ ਵਿਜੇ ਗੁਪਤਾ ਨੇ ਦੱਸਿਆ ਕਿ 25 ਅਗਸਤ ਨੂੰ  ਸਵੇਰੇ ਸੱਤ ਵਜੇ ਸੁਭਾਸ਼ ਮੰਡੀ ਬਾਘਾ ਪੁਰਾਣਾ ਵਿਖੇ ਮੂਰਤੀ ਸਥਾਪਨਾ ਕੀਤੀ ਜਾਵੇਗੀ, 26 ਅਗਸਤ ਦਿਨ ਸ਼ਨੀਵਾਰ ਨੂੰ ਰਾਤ ਅੱਠ ਵਜੇ ਤੋਂ ਬਾਰਾਂ ਵਜੇ ਤੱਕ ਸੂਰਿਆਕਾਂਤ ਸ਼ਾਸਤਰੀ (ਬਰਨਾਲੇ ਵਾਲੇ) ਆਪਣੇ ਭਜਨਾਂ ਨਾਲ ਸੰਗਤਾਂ ਨੂੰ ਨਿਹਾਲ ਕਰਨਗੇ। 27 ਅਗਸਤ ਐਤਵਾਰ ਨੂੰ ਰਾਤ ਅੱਠ ਵਜੇ ਤੋਂ ਦਸ ਵਜੇ ਤੱਕ ਸ਼ਬਦ ਸੁਰਤ ਸੰਗਮ ਆਸ਼ਰਮ ਮੱਲਕੇ ਤੋਂ ਸੁਆਮੀ ਸੂਰਿਯੇਦੂੰ ਪੁਰੀ ਤੇ ਸਾਧਵੀ ਯੋਗਾਜਲੀ ਪੁਰੀ ਅੰਮਿ੍ਰਤ ਵਚਨਾਂ ਨਾਲ ਨਿਹਾਲ ਕਰਨਗੇ। ਇਸ ਦੌਰਾਨ ਨਿਊ ਜੈ ਸੰਤੋਸ਼ੀ ਮਾਤਾ ਭਜਨ ਮੰਡਲੀ, ਗਊਸ਼ਾਲਾ ਭਜਨ ਮੰਡਲੀ, ਬਾਬਾ ਰੋਡੂ ਭਜਨ ਮੰਡਲੀ ਬਾਘਾ ਪੁਰਾਣਾ ਗਣਪਤੀ ਦਾ ਗੁਣਗਾਨ ਕਰਨਗੇ। 31 ਅਗਸਤ ਦਿਨ ਵੀਰਵਾਰ ਨੂੰ ਮੂਰਤੀ ਜਲ ਵਿਸਰਜਨ ਤੇ ਸ਼ੋਭਾ ਯਾਤਰਾ ਹੋਵੇਗੀ ਜੋ ਬਾਘਾ ਪੁਰਾਣਾ ਤੋਂ ਭਾਈ ਕਾ ਵਾੜਾ ਤੱਕ ਕੱਢੀ ਜਾਵੇਗੀ। ਉਨਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਵੱਡੀ ਗਿਣਤੀ ਵਿਚ ਇਸ ਮੌਕੇ ਦਾ ਲਾਭ ਉਠਾਉਣ। ਇਸ ਮੌਕੇ ਰਾਜਿੰਦਰ ਬਾਂਸਲ, ਰੈਂਪੀ ਬਾਂਸਲ, ਪ੍ਰਦੀਪ ਕੁਮਾਰ, ਗੋਰਾ ਲਾਲ ਗੋਇਲ, ਬਿਕਰਮ ਸਿੰਗਲਾ, ਕਿ੍ਰਸ਼ਨ ਬਾਂਸਲ, ਵਿਪਨ ਕੁਮਾਰ ਗਰਗ, ਸੁਖਜੀਵਨ ਬਾਂਸਲ, ਰਾਜ ਕੁਮਾਰ, ਵਿਜੇ ਮੋਹਨ ਤੇ ਸੰਜੂ ਗਰਗ ਵੀ ਹਾਜ਼ਰ ਸਨ।