ਸਮਾਲਸਰ,ਅਗਸਤ (ਜਸਵੰਤ ਗਿੱਲ)-ਯੂਨੀਕ ਸਕੂਲ ਆਫ ਸੀਨੀਅਰ ਸੈਕੰਡਰੀ ਸਟੱਡੀਜ  ਸਮਾਲਸਰ ਵਿਖੇ 71ਵਾਂ ‘ਅਜਾਦੀ ਦਿਵਸ’ ਸਕੂਲ ਦੇ ਚੇਅਰਮੈਨ ਗੁਰਪ੍ਰੀਤ ਸਿੰਘ, ਪ੍ਰੈਸੀਡੈਂਟ ਅਖਤਰ ਪ੍ਰਵੇਜ ਭੱਟੀ, ਮੈਨੇਜਰ ਜਸਵੀਰ ਚਾਵਲਾ , ਮੈਨੇਜਿੰਗ ਡਾਇਰੈਕਟਰ ਮਨਦੀਪ ਕੁਮਾਰ ਅਤੇ ਸ਼੍ਰੀ ਮਤੀ ਪਰਵਿੰਦਰ ਕੌਰ ਦੀ ਅਗਵਾਈ ਹੇਠ ਬੜੀ ਧੂਮ-ਧਾਮ ਨਾਲ ਮਨਾਇਆ ਗਿਆ।ਇਸ ਵਿਸ਼ੇਸ਼ ਦਿਨ ਕਮੇਟੀ ਮਂੈਬਰ  ਸਰਵਨ ਸਿੰਘ  ਅਤੇ ਸਮੂਹ ਅਧਿਆਪਕ ਸਾਹਿਬਾਨ ਨੇ ਵਿਦਿਆਰਥੀਆਂ ਨਾਲ ਝੰਡਾ ਲਹਿਰਾਉਣ ਦੀ ਰਸਮ ਆਦਾ ਕੀਤੀ। ਇਸ ਤੋਂ ਬਾਅਦ ਬੱਚਿਆਂ ਵੱਲੋਂ ਰੰਗਾਰੰਗ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ,ਜਿਸ ਵਿੱਚ ਦੇਸ਼ ਭਗਤੀ ਨਾਲ ਸੰਬੰਧਿਤ ਵਿਦਿਆਰਥੀਆਂ ਵੱਲੋਂ ਭਾਸ਼ਣ,ਗੀਤ,ਕਵਿਤਾਵਾਂ,ਡਾਂਸ,ਗਿੱਧਾ ਅਤੇ ਭੰਗੜਾ ਪੇਸ਼ ਕੀਤਾ ਗਿਆ। ਇਸ ਦੌਰਾਨ ਸਕੂਲ ਮੈਨੇਜਮੈਂਟ ਵੱਲੋਂ ਵਿਦਿਆਰਥੀਆਂ ਨੂੰ ਸੁਤੰਤਰਤਾ ਦਿਵਸ ਦੀ ਮਹਾਨਤਾ ਦੱਸਦੇ ਹੋਏ ਦੇਸ਼ ਭਗਤਾਂ ਦੀਆਂ ਕੁਰਬਾਨੀਆਂ ਤੋਂ ਜਾਣੂ ਕਰਵਾਇਆ ਅਤੇ ਕਿਹਾ ਕਿ ਅਜ਼ਾਦੀ ਦਾ ਦਿਵਸ ਤਾਂ ਅਸੀ ਹਰ ਵਾਰ ਮਨਾਉਂਦੇ ਹਾਂ ਪਰ ਇਸ ਵਾਰ ਅਸੀ ਕਈ ਬੁਰਾਈਆਂ,ਭਿਸ਼੍ਰਟਾਚਾਰ,ਜਾਤ-ਪਾਤ ਤੋਂ ੳੱੁਪਰ ਉੱਠ ਕੇ ਨਵਾਂ ਸਮਾਜ ਉਸਾਰਨ ਦਾ ਵਾਅਦਾ ਕਰਦੇ ਹਾਂ। ਅੰਤ ਵਿੱਚ ਸਾਰੇ ਅਧਿਆਪਕ ਸਾਹਿਬਾਨਾਂ ਵੱਲੋਂ ਵਿਦਿਆਰਥੀਆਂ ਨੂੰ ਅਜ਼ਾਦੀ ਦਿਵਸ ਦੀ ਵਧਾਈਆ ਦਿੱਤੀਆਂ ਗਈਆ।