ਨੱਥੂਵਾਲਾ ਗਰਬੀ , 10 ਅਗਸਤ (ਜਸ਼ਨ)-ਸਥਾਨਕ ਕਸਬੇ ਵਿੱਚ ਸਥਿਤ ਪੁਲਿਸ ਚੌਕੀ ਨੱਥੂਵਾਲਾ ਗਰਬੀ ਦਾ ਚਾਰਜ ਏ. ਐਸ. ਆਈ. ਸਤਨਾਮ ਸਿੰਘ ਨੇ ਸੰਭਾਲ ਲਿਆ ਹੈ। ਚਾਰਜ ਸੰਭਾਲਦੇ ਹੋਏ ਉਨਾ੍ਹ ਨੇ ਇਲਾਕੇ ਦੀਆਂ ਪੰਚਾਇਤਾਂ,ਕਲੱਬਾਂ ਅਤੇ ਸਮਾਜ ਸੇਵੀਆਂ ਨੂੰ ਅਪੀਲ ਕੀਤੀ ਕਿ ਉਹ ਸਮਾਜ ਵਿੱਚੋਂ ਜੁਰਮ ਦੇ ਖਾਤਮੇ ਵਾਸਤੇ ਪੁਲਿਸ ਦਾ ਸਾਥ ਦੇਣ।ਉਨਾ੍ਹ ਕਿਹਾ ਕਿ ਜੋ ਲੜਕੇ ਬੁਲਟ ਤੇ ਪਟਾਕੇ ਪਾਉਦੇ ਹਨ ਜਾਂ ਟਰੈਕਟਰਾਂ ‘ਤੇ ਉੱਚੀ ਅਵਾਜ਼ ਵਿਚ ਡੈੱਕ ਲਗਾਉਦੇ ਹਨ ਉਨਾ੍ਹ ਨੂੰ ਕਿਸੇ ਵੀ ਕੀਮਤ ਤੇ ਬਖਸ਼ਿਆ ਨਹੀ ਜਾਵੇਗਾ।ਉਨਾ੍ਹ ਕਿਹਾ ਕਿ ਨਸ਼ੇ ਦੇ ਖਾਤਮੇ ਵਾਸਤੇ ਲੋਕਾਂ ਦਾ ਸਹਿਯੋਗ ਬਹੁਤ ਜਰੂਰੀ ਹੈ।ਜਿਕਰਯੋਗ ਹੈ ਕਿ ਪਹਿਲੇ ਏ.ਐਸ.ਆਈ.ਸੁਖਮੰਦਰ ਸਿੰਘ ਦਾ ਤਬਾਦਲਾ ਥਾਣਾ ਬਾਘਾਪੁਰਾਣਾ ਵਿਖੇ ਹੋ ਗਿਆ ਹੈ।