ਮੋਗਾ, 9 ਅਗਸਤ (ਜਸ਼ਨ)-ਮਾਉਟ ਲਿਟਰਾ ਜੀ ਸਕੂਲ ਵਿਚ ਸ਼ੁਰੂ ਹੋਈ ਹੈੰਡਬਾਲ ਅਤੇ ਵਾਲੀਬਾਲ ਟੂਰਨਾਮੈਂਟ ਵਿਚ ਸਕੂਲ ਦੇ ਖਿਡਾਰੀਆਂ ਨੇ ਮੱਲਾਂ ਮਾਰਦੇ ਹੋਏ ਸੰਸਥਾ ਦਾ ਨਾਂਅ ਰੋਸ਼ਨ ਕੀਤਾ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸਕੂਲ ਡਾਇਰੈਕਟਰ ਅਨੁਜ ਗੁਪਤਾ ਤੇ ਪਿ੍ਰੰਸੀਪਲ ਨਿਰਮਲ ਧਾਰੀ ਨੇ ਦੱਸਿਆ ਕਿ ਹੈੰਡਬਾਲ ਅੰਡਰ-14 ਤੇ 17 ਦੀ ਟੀਮ ਜ਼ਿਲਾ ਟੂਰਨਾਮੈਂਟ ਦੀ ਜਿੱਤ ਲਈ ਇਕ ਸਨਮਾਨ ਦੀ ਗੱਲ ਹੈ। ਜ਼ਿਲਾ ਟੂਰਨਾਮੈਂਟ ਲਈ ਵਾਲੀਬਾਲ ਅੰਡਰ-14 ਦਾ ਖਿਤਾਬ ਵੀ ਸਕੂਲ ਦੇ ਖਿਡਾਰੀਆਂ ਨੇ ਜਿੱਤਿਆ। ਉਹਨਾਂ ਦੱਸਿਆ ਕਿ ਹੈੰਡਬਾਲ ਅੰਡਰ-14 ਲੜਕੇ ਵਿਚ ਮਾਉਟ ਲਿਟਰਾ ਜੀ ਸਕੂਲ ਅਤੇ ਗੀਤਾ ਭਵਨ ਸਕੂਲ ਦੇ ਖਿਲਾਫ ਆਖਿਰੀ ਮੈਚ ਖੇਡਦੇ ਹੋਏ ਮਾਉਟ ਲਿਟਰਾ ਜੀ ਸਕੂਲ ਨੇ ਮੈਚ ਜਿੱਤਿਆ। ਇਸ ਤਰਾਂ ਹੈੰਡਬਾਲ ਅਡੰਰ-17 ਲੜਕਿਆ ਦਾ ਮੁਕਾਬਲਾ ਮਾਉਟ ਲਿਟਰਾ ਜੀ ਸਕੂਲ ਅਤੇ ਸੈਕਰਡ ਹਾਰਟ ਸਕੂਲ ਦੇ ਵਿਚ ਮੈਚ ਖੇਡਿਆ ਗਿਆ। ਜਿਸ ਵਿਚ ਮਾਉਟ ਲਿਟਰਾ ਜੀ ਸਕੂਲ ਨੇ ਹੈੰਡਬਾਲ ਵਿਚ ਵੀ ਆਪਣੀ ਮੱਲਾਂ ਮਾਰੀਆ। ਜਦ ਕਿ ਵਾਲੀਬਾਲ ਅੰਡਰ-14 ਲੜਕਿਆ ਦੇ ਮੈਚ ਵਿਚ ਵੀ ਮਾਉਟ ਲਿਟਰਾ ਜੀ ਸਕੂਲ ਦੇ ਖਿਡਾਰੀਆ ਨੇ ਬਾਜੀ ਮਾਰੀ। ਡਾਇਰੈਕਟਰ ਅਨੁਜ ਗੁਪਤਾ ਤੇ ਪਿ੍ਰੰਸੀਪਲ ਨਿਰਮਲ ਧਾਰੀ ਨੇ ਵਿਦਿਆਰਥੀਆ, ਕੋਚ ਜਗਸੀਰ ਸਿੰਘ, ਕੋਚ ਮਨਪ੍ਰੀਤ ਸਿੰਘ ਤੇ ਸਮੂਹ ਸਟਾਫ ਨੂੰ ਵਧਾਈ ਦਿਤੀ।