ਮੋਗਾ,7 ਅਗਸਤਜਸ਼ਨ)-ਮੋਗਾ ਦੇ ਕਸਬੇ ਕੋਟ ਈਸੇ ਖਾਂ ਵਿਖੇ ਬੀਤੀ ਰਾਤ ਇਕ ਕਾਰ ਅਤੇ ਟਰੱਕ ਵਿਚਾਲੇ ਹੋਈ ਆਹਮੋ ਸਾਹਮਣੀ ਟੱਕਰ ਦੌਰਾਨ ਕਾਰ ਸਵਾਰ ਚਾਰ ਵਿਅਕਤੀਆਂ ਦੀ ਮੌਤ ਹੋ ਗਈ । ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਕਾਰ ਸਵਾਰ 4 ਵਿਅਕਤੀ ਕੋਟ ਈਸੇ ਖਾਂ ਤੋਂ ਧਰਮਕੋਟ ਜਾ ਰਹੇ ਸਨ । ਜਦੋਂ ਕਾਰ ਨਸੀਰਪੁਰ ਜਾਨੀਆ ਪਿੰਡ ਕੋਲ ਪੁੱਜੀ ਤਾਂ ਸਾਹਮਣੇ ਤੋਂ ਆ ਰਿਹਾ ਤੇਜ਼ ਰਫਤਾਰ ਟਰੱਕ ਕਾਰ ਨਾਲ ਸਿੱਧਾ ਟੱਕਰਾ ਗਿਆ। ਇਸ ਟੱਕਰ ਦੌਰਾਨ ਕਾਰ ਸਵਾਰ ਚਾਰ ਵਿਅਕਤੀਆਂ ਦੀ ਮੌਤ ਹੋ ਗਈ । ਇਸ ਹਾਦਸੇ ਦਾ ਚਸ਼ਮਦੀਨ ਗਵਾਹ ਮਿ੍ਰਤਕ ਸਾਗਰਦੀਪ ਖੁਰਾਣਾ ਦਾ ਭਰਾ ਰਤੇਸ਼ ਖੁਰਾਣਾ ਹੈ ਜੋ ਆਪਣੀ ਵੱਖਰੀ ਕਾਰ ਵਿਚ ਪਿੱਛੇ ਆ ਰਿਹਾ ਸੀ । ਉਸਦੇ ਦੱਸਣ ਮੁਤਾਬਕ ਟਰੱਕ ਨੇ ਗਲਤ ਪਾਸੇ ਆ ਕੇ ਕਾਰ ਨੂੰ ਟੱਕਰ ਮਾਰੀ ਅਤੇ ਹਾਦਸੇ ੳਪਰੰਤ ਟਰੱਕ ਡਰਾਈਵਰ ਮੌਕੇ ਤੋਂ ਫਰਾਰ ਹੋ ਗਿਆ। ਮਿ੍ਰਤਕਾਂ ਵਿਚ ਸਾਗਰਦੀਪ ਖੁਰਾਣਾ ਅਤੇ ਉਸਦੇ ਤਿੰਨ ਦੋਸਤ ਗੁਰਪ੍ਰੀਤ ਸਿੰਘ ਨੇਤਾ,ਲਵੀ ਸੇਤੀਆ ਅਤੇ ਭਿੰਦਾ ਸ਼ਾਮਲ ਨੇ ਅਤੇ ਸਾਰੇ ਮਿ੍ਰਤਕ ਕੋਟ ਈਸੇ ਖਾਂ ਦੇ ਵਸਨੀਕ ਸਨ, ਜੋ ਦੇਰ ਰਾਤ ਆਪਣੀ ਰਿਸ਼ਤੇਦਾਰੀ ਵਿਚ ਧਰਮਕੋਟ ਜਾ ਰਹੇ ਸਨ ।