ਮੋਗਾ,2 ਅਗਸਤ(ਜਸ਼ਨ):ਮੋਗਾ ਕਾਂਗਰਸ ਦੇ ਥੰਮ ਵਜੋਂ ਜਾਣੇ ਜਾਂਦੇ ਬਜ਼ੁਰਗ ਕਾਂਗਰਸੀ ਆਗੂ ਨਾਨਕ ਸਿੰਘ ਚੌਧਰੀ ਦਾ ਅੱਜ ਦੁਪਹਿਰ ਗਾਂਧੀ ਰੋਡ ਸ਼ਮਸ਼ਾਨਘਾਟ ਵਿਖੇ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ। ਉਹ ਬੀਤੀ 29 ਜੁਲਾਈ ਨੂੰ ਇਸ ਫਾਨੀ ਦੁਨੀਆਂ ਤੋਂ ਰੁਖਸਤ ਹੋ ਗਏ ਸਨ। ਅੱਜ ਉਹਨਾਂ ਦੇ ਸਪੁੱਤਰਾਂ KULKRISHAN PAL ਸਿੰਘ ਚੌਧਰੀ ਅਤੇ ਹਰਿੰਦਰ ਸਿੰਘ ਟਿੰਕੂ ਵਾਈਸ ਪ੍ਰਧਾਨ ਆੜਤੀਆ ਐਸੋਸੀਏਸ਼ਨ ਮੋਗਾ ਨੇ ਚਿਤਾ ਨੂੰ ਅਗਨੀ ਭੇਂਟ ਕੀਤੀ। ਇਸ ਤੋਂ ਪਹਿਲਾਂ ਕਾਂਗਰਸ ਪਾਰਟੀ ਵੱਲੋਂ ਸ਼ਹਿਰੀ ਕਾਂਗਰਸ ਦੇ ਪ੍ਰਧਾਨ ਵਿਨੋਦ ਬਾਂਸਲ ਦੀ ਅਗਵਾਈ ਵਿਚ ਕਾਂਗਰਸੀ ਆਗੂਆਂ ਨੇ ਨਾਨਕ ਸਿੰਘ ਚੌਧਰੀ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ।  ਸ: ਨਾਨਕ ਸਿੰਘ ਚੌਧਰੀ ਦੇ ਸਪੁੱਤਰਾਂ ਅਤੇ ਉਹਨਾਂ ਦੀਆਂ ਤਿੰਨ ਬੇਟੀਆਂ ਨਾਲ ਹਮਦਰਦੀ ਦਾ ਪ੍ਰਗਟਾਵਾ ਕਰਨ ਲਈ   ਕਾਂਗਰਸ ਦੇ ਸ਼ਹਿਰੀ ਪ੍ਰਧਾਨ ਵਿਨੋਦ ਬਾਂਸਲ, ਵਿਧਾਇਕ ਕਾਕਾ ਲੋਹਗੜ ਦੇ ਭਰਾਤਾ, ਸਾਬਕਾ ਜ਼ਿਲਾ ਪ੍ਰਧਾਨ ਕਾਂਗਰਸ ਬੀਬੀ ਜਗਦਰਸ਼ਨ ਕੌਰ ,ਸਾਬਕਾ ਜ਼ਿਲਾ ਪ੍ਰਧਾਨ ਗੁਰਬਚਨ ਸਿੰਘ ਬਰਾੜ, ਪੰਜਾਬ ਕਾਂਗਰਸ ਦੇ ਸਕੱਤਰ ਰਮੇਸ਼ ਕੁੱਕੂ,ਰਜਿੰਦਰ ਛਾਬੜਾ ਵਪਾਰ ਸੈੱਲ ਪੰਜਾਬ, ਸਰਪੰਚ ਕਮਲਜੀਤ ਸਿੰਘ ਬਰਾੜ, ਮਹਿਲਾ ਕਾਂਗਰਸ ਸ਼ਹਿਰੀ ਦੀ ਪ੍ਰਧਾਨ ਸੁਮਨ ਕੌਸ਼ਿਕ , ਭਾਜਪਾ ਯੁਵਾ ਮੋਰਚਾ ਦੇ ਜ਼ਿਲਾ ਪ੍ਰਧਾਨ ਰਾਹੁਲ ਗਰਗ ,ਵੀਰਪਾਲ ਕੌਰ ਜ਼ਿਲਾ ਪ੍ਰਧਾਨ ਮਹਿਲਾ ਕਾਂਗਰਸ , ਰੀਮਾ ਰਾਣੀ ਬਲਾਕ ਪ੍ਰਧਾਨ ,ਪ੍ਰਵੀਨ ਸ਼ਰਮਾ ਪੀਨਾ ਐੱਮ ਸੀ ,ਉਪਿੰਦਰ ਗਿੱਲ,ਇੰਦਰਜੀਤ ਸਿੰਘ,ਰਮਨ ਮੱਕੜ,ਰਾਮਪਾਲ ਧਵਨ, ਹਨੀ ਸੋਢੀ , ਰਘਵੀਰ ਸਿੰਘ ਲਾਲੀ ਪ੍ਰਧਾਨ ਆੜਤੀਆ ਐਸੋਸੀਏਸ਼ਨ ਮੋਗਾ,ਪੰਡਿਤ ਸ਼ਾਮ ਲਾਲ,ਠਾਣਾ ਸਿੰਘ ਜੌਹਲ,ਗੁਰਪ੍ਰੀਤ ਸਿੰਘ ਦੌਲਤਪੁਰਾ,ਡਾ: ਪਵਨ ਥਾਪਰ , ਕਾਲਾ ਧੱਲੇਕੇ ,ਰਾਮ ਸਿੰਘ ਰਾਜਪੂਤ, ਤੋਂ ਇਲਾਵਾ ਵੱਖ ਵੱਖ ਸਿਆਸੀ ਪਾਰਟੀਆਂ ਦੇ ਨੁਮਾਇੰਦੇ ਅਤੇ ਸ਼ਹਿਰ ਦੇ ਪਤਵੰਤੇ ਭਾਰੀ ਗਿਣਤੀ ਵਿਚ ਅੰਤਿਮ ਸੰਸਕਾਰ ਦੀਆਂ ਰਸਮਾਂ ਵਿਚ ਸ਼ਾਮਲ ਹੋਏ । ਸ: ਨਾਨਕ ਸਿਘ ਚੌਧਰੀ ਦੀ  ਭਤੀਜੀ ਸੁਮਨ ਕੌਸ਼ਿਕ ਪ੍ਰਧਾਨ ਮੋਗਾ ਮਹਿਲਾ ਕਾਂਗਰਸ ਸ਼ਹਿਰੀ ਨੇ ‘ਸਾਡਾ ਮੋਗਾ ਡੌਟ ਕੌਮ’ ਨਿਊਜ਼ ਪੋਰਟਲ  ਨਾਲ ਗੱਲਬਾਤ ਕਰਦਿਆਂ  ਦੱਸਿਆ ਕਿ ਚੌਧਰੀ ਨਾਨਕ ਸਿੰਘ ਦੇ ਫੁੱਲ ਕੱਲ 3 ਅਗਸਤ ਸਵੇਰੇ 10 ਵਜੇ ਚੁੱਗੇ ਜਾਣਗੇ ਅਤੇ ਭੋਗ ਦੀਆਂ ਰਸਮਾਂ ਅਤੇ ਸ਼ਰਧਾਂਜਲੀ ਸਮਾਗਮ ਗੁਰਦੁਆਰਾ ਬੀਬੀ ਕਾਹਨ ਕੌਰ ਵਿਖੇ  6 ਅਗਸਤ ਨੂੰ    ਹੋਵੇਗਾ।