ਨੱਥੂਵਾਲਾ ਗਰਬੀ , 28 ਜੁਲਾਈ (ਗਗਨਦੀਪ )- ਪਿੰਡ ਖਾਈ ਵਿਖੇ ਦੀਨਾ ਸਾਹਿਬ ਵਾਲੀ ਸੜਕ ਕੋਲ ਮਜਬੀ ਸਿੱਖਾਂ ਦੀ ਬਸਤੀ ਵਿੱਚ ਲੱਗੀ ਹੋਈ ਪਾਣੀ ਵਾਲੀ ਟੈਕੀ ਦੀ ਮੋਟਰ ਵਾਲਾ ਬੋਰ ਖਰਾਬ ਹੋਣ ਕਾਰਨ ਪਿਛਲੇ ਕਈ ਦਿਨਾ੍ਹ ਤੋਂ ਗਰੀਬ ਪਰਿਵਾਰ ਪਾਣੀ ਦੀ ਘਾਟ ਨਾਲ ਜੂਝ ਰਹੇ ਹਨ।ਇਸ ਸਮੱਸਿਆ ਦਾ ਪਤਾ ਲੱਗਣ ਤੇ ਸਮਾਜ ਸੇਵੀ ਸੰਸਥਾ ਨੰਬਰਦਾਰ ਆਜੈਬ ਸਿੰਘ ਯਾਦਗਾਰੀ ਟਰੱਸਟ ਨੇ ਬਸਤੀ ਦੇ ਲੋਕਾਂ ਦੀ ਸਮੱਸਿਆ ਦਾ ਤੁਰੰਤ ਹੱਲ ਕੱਢਣ ਦੀ ਪਹਿਲ ਕਦਮੀ ਕੀਤੀ।ਟਰੱਸਟ ਦੇ ਪ੍ਰਧਾਨ ਪ੍ਰਗਟ ਸਿੰਘ ਨੇ ਟਰੱਸਟ ਦੇ ਮੈਬਰਾਂ ਨਾਲ ਸਲਾਹ ਕਰ ਕੇ ਟਰੱਸਟ ਵੱਲੋਂ ਨਵਾਂ ਬੋਰ ਲਗਾਉਣ ਦੀ ਸ਼ੁਰੂਆਤ ਕੀਤੀ ਹੈ।ਤਾਂ ਜੋ ਬਸਤੀ ਦੇ ਲੋਕਾਂ ਦੀ ਪਾਣੀ ਨਾ ਮਿਲਣ ਦੀ ਸਮੱਸਿਆ ਦਾ ਹੱਲ ਕੀਤਾ ਜਾ ਸਕੇ ।ਇਸ ਦੀ ਸੁਰੂਆਤ ਸਮਾਜ ਸੇਵੀ ਜਗਜੀਤ ਸਿੰਘ ਖਾਈ ਨੇ ਪਤਵੰਤਿਆ ਦੀ ਹਾਜਰੀ ਵਿੱਚ ਟੱਕ ਲਗਾ ਕੇ ਕੀਤੀ।ਇਸ ਮੌਕੇ ਤੇ ਜਗਜੀਤ ਸਿੰਘ ਖਾਈ, ਹਰਦੀਪ ਸਿੰਘ ਖਾਲਸਾ, ਹਰਪ੍ਰੀਤ ਸਿੰਘ , ਸੱਤਪਾਲ ਸਿੰਘ, ਓਮਾ ਸਿੰਘ, ਸੀਰਾ ਸਿੰਘ, ਬੁੱਗਰ ਸਿੰਘ, ਬਲਜੀਤ ਸਿੰਘ, ਗੁਰਜੰਟ ਸਿੰਘ, ਜੋਰਾ ਸਿੰਘ, ਕੁਲਦੀਪ ਸਿੰਘ, ਆਤਮਾ ਸਿੰਘ, ਸੁਰਜੀਤ ਸਿੰਘ, ਪਾਲ ਸਿੰਘ, ਬੂਟਾ ਸਿੰਘ, ਕੌਰ ਸਿੰਘ ਆਦਿ ਹਾਜ਼ਰ ਸਨ।