ਕੋਟਕਪੂਰਾ / ਸਮਾਲਸਰ 26 ਜੁਲਾਈ (ਜਸਵੰਤ ਗਿੱਲ)-ਜੋਤੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਕੋਟਕਪੂਰਾ ਵਿਖੇ ਬੱਚਿਆਂ ਦੇ ਭਾਸ਼ਣ, ਲੰਚ ਅਤੇ ਫੈਂਸੀ ਡਰੈਸ ਮੁਕਾਬਲੇ ਕਰਵਾਏ ਗਏ। ਚੰਗਾ ਪ੍ਰਦਰਸ਼ਨ ਕਰਨ ਵਾਲੇ ਬੱਚਿਆਂ ਨੂੰ ਪਿ੍ਰੰਸੀਪਲ ਅਮਨਦੀਪ ਕੌਰ ਨੇ ਸਨਮਾਨਿਤ ਕੀਤਾ। ਇਹ ਰੰਗਾ-ਰੰਗ ਪ੍ਰੋਗਰਾਮ ਬਹੁਤ ਸ਼ਾਨਦਾਰ ਸੀ ਅਤੇ ਮਨਮੋਹਕ ਸੀ। ਇਸ ਸਮਾਗਮ ਵਿੱਚ ਸਾਰੇ ਅਧਿਆਪਕਾਂ ਨੇ ਆਪਣਾ ਯੋਗਦਾਨ ਦਿੱਤਾ। ਸਕੂਲ ਪ੍ਰਬੰਧਕ ਸ਼੍ਰੀਮਤੀ ਤਾਰਾਵੰਤੀ ਨੇ ਬੱਚਿਆਂ ਨੂੰ ਚੰਗੇ ਪ੍ਰੋਗਰਾਮ ਦੀ ਵਧਾਈ ਦਿੰਦਿਆਂ ਕਿਹਾ ਕਿ ਚੰਗਾ ਆਦਰਸ਼ ਅਤੇ ਚੰਗੀਆਂ ਆਦਤਾਂ ਮਨੁੱਖ ਦੀ ਤਰੱਕੀ ਦਾ ਸਰੋਤ ਹੈ। ਇਸ ਸਮੇਂ ਸਾਰਾ ਸਟਾਫ ਮੌਜੂਦ ਸੀ।