ਮੋਗਾ,13 ਜੁਲਾਈ (ਜਸ਼ਨ)-ਪੰਜਾਬ ਨੈਸ਼ਨਲ ਬੈਂਕ ਬ੍ਰਾਂਚ ਪ੍ਰਤਾਪ ਰੋਡ ਮੋਗਾ ਦੇ 91ਵੇਂ ਸਥਾਪਨਾ ਦਿਵਸ ਦੇ ਸਬੰਧ ਵਿਚ ਬੈਂਕ ਵਿਖੇ ਇਕ ਸਮਾਗਮ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਪੰਜਾਬ ਨੈਸ਼ਨਲ ਬੈਂਕ ਲੁਧਿਆਣਾ ਮੰਡਲ ਦੇ ਡੀਜੀਐਮ ਬੀਐਨ ਮਿਸ਼ਰਾ ਵਿਸ਼ੇਸ਼ ਤੌਰ ’ਤੇ ਸ਼ਾਮਲ ਹੋਏ। ਸ੍ਰੀ ਬੀਐਨ ਮਿਸ਼ਰਾ ਤੇ ਹੀਰਾ ਲਾਲ ਸ਼ਰਮਾ ਨੂੰ ਸ਼ਾਖਾ ਦੇ ਮੁੱਖ ਪ੍ਰਬੰਧਕ ਬੀਐਸ ਵੋਹਰਾ ਵੱਲੋਂ ਬੁੱਕੇ ਦੇ ਕੇ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਸ਼ਾਖਾ ਦੇ ਅਧਿਕਾਰੀਆਂ ਵੱਲੋਂ ਬੈਂਕ ਨਾਲ ਕਈ ਸਾਲਾਂ ਤੋਂ ਜੁੜੇ ਗ੍ਰਾਹਕਾਂ ਨੂੰ ਸਨਮਾਨਿਤ ਕੀਤਾ ਗਿਆ, ਜਿਨਾਂ ਵਿਚ ਚਮਨ ਲਾਲ ਸਚਦੇਵਾ, ਕੇ ਕੇ ਕੌੜਾ, ਡਾ. ਪੀ ਆਰ ਚਾਟਲੇ, ਡਾ. ਰਾਜੇਸ਼ ਪੁਰੀ, ਰਜਿੰਦਰ, ਵਿਜੈ ਅਰੋੜਾ ਆਦਿ ਸ਼ਾਮਲ ਸਨ। ਇਸ ਮੌਕੇ ’ਤੇ ਵਿਪਨ ਕੁਮਾਰ ਸੀਨੀਅਰ ਪ੍ਰਬੰਧਕ ਨੇ ਬੈਂਕ ਦੀਆਂ ਵੱਖ ਵੱਖ ਲੋਨ ਸਕੀਮਾਂ ਬਾਰੇ ਗ੍ਰਾਹਕਾਂ ਨੂੰ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ ਤੇ ਬੈਂਕ ਦੀਆਂ ਉਪਲੱਬਧੀਆਂ ਦੇ ਬਾਰੇ ਵੀ ਦੱਸਿਆ ਗਿਆ। ਉਨਾਂ ਕਿਹਾ ਕਿ ਗ੍ਰਾਹਕਾਂ ਦੇ ਸਹਿਯੋਗ ਨਾਲ ਇਸ ਸਮੇਂ ਸ਼ਾਖਾ ਵਿਚ 300 ਕਰੋੜ ਦਾ ਬਿਜਨਸ ਹੈ। ਉਨਾਂ ਕਿਹਾ ਕਿ ਸਾਨੂੰ ਉਮੀਦ ਹੈ ਕਿ ਸਾਡੇ ਗ੍ਰਾਹਕ ਸਾਨੂੰ ਇਸੇ ਤਰਾਂ ਸਹਿਯੋਗ ਦਿੰਦੇ ਰਹਿਣਗੇ। ਇਸ ਮੌਕੇ ’ਤੇ ਜੇ ਪੀ ਗੋਇਲ, ਵਿਜੈ ਬਾਂਸਲ, ਕੁਨਾਲ ਬਰਮਨ, ਵਰਸ਼ਾ ਬਰਮਨ, ਸੁਰਿੰਦਰ ਸ਼ਰਮਾ, ਰਜਿੰਦਰ ਸਚਦੇਵਾ, ਹਰੀਸ਼ ਬਾਂਸਲ, ਜਸਵੰਤ ਸਿੰਘ, ਲਛਮਣ ਸਿੰਘ, ਬੈਂਕ ਮਿੱਤਰ ਰਾਜ ਕੁਮਾਰ ਅਨੇਜਾ ਆਦਿ ਹਾਜ਼ਰ ਸਨ।