ਪੱਤਰ ਪ੍ਰੇਰਕ 8ਜੁਲਾਈ, ਚੜਿੱਕ: ਪ੍ਰਸਿੱਧ ਲੋਕ ਗਾਇਕ ਤੇ ਅਦਾਕਾਰ ਰਣਜੀਤ ਮਣੀ ਤੇ ਉਸ ਦਾ ਭਾਣਜਾ ਚਰਚਿਤ ਗਾਇਕ ਦਿਲਰਾਜ ਰਾਮੂੰਵਾਲੀਆ 10 ਜੁਲਾਈ ਦਿਨ ਸੋਮਵਾਰ ਸ਼ਾਮ 7:15 ਵਜੇ ਜਲੰਧਰ ਦੂਰਦਰਸ਼ਨ ਡੀ ਡੀ ਪੰਜਾਬੀ ਦੇ ਪ੍ਰੋਗਰਾਮ ਹੁੱਲੇ ਹੁਲਾਰੇ ’ਚ ਆਪਣੇ ਪ੍ਰਸਿੱਧ ਤੇ ਚਰਚਿਤ ਗੀਤਾਂ ਰਾਹੀਂ ਦਰਸ਼ਕਾਂ ਦਾ ਮਨੋਰੰਜਨ ਕਰਨਗੇ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਗਾਇਕ ਦਿਲਰਾਜ ਨੇ ‘ਸਾਡਾ ਮੋਗਾ ਡੌਟ ਕੌਮ’ ਨਿਊਜ਼ ਪੋਰਟਲ ਦੇ ਪ੍ਰਤੀਨਿਧ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਰਣਜੀਤ ਮਣੀ ਵੱਲੋਂ ਪ੍ਰਸਿੱਧ ਗੀਤ ‘ਰਾਂਝੇ ਦਾ ਪਿ੍ਰੰਸੀਪਲ ਜੀ’ ਤੇ ‘ਪ੍ਰਦੇਸ਼’ ਅਤੇ ਉਸ ਵੱਲੋਂ ਆਪਣਾ ਚਰਚਿਤ ਗੀਤ ‘ਗੱਡੀਆਂ ਵਾਲੀ ਤਾਰੋ’ ਤੇ ‘25 ਕਿੱਲੇ’ ਪ੍ਰਸਾਰਿਤ ਹੋਣਗੇ। ਇਸ ਤੋਂ ਇਲਾਵਾ ਗਾਇਕ ਹਰਮੀਤ ਬੁੱਟਰ ਵੀ ਆਪਣੇ ਪ੍ਰਸਿੱਧ ਗੀਤ ਰਾਹੀਂ ਹਾਜ਼ਰੀ ਲਵਾਉਣਗੇ।