ਸ਼੍ਰੋਮਣੀ ਅਕਾਲੀ ਦਲ ਵਲੋਂ ਝੋਨੇ ਦੀ ਖਰੀਦ ਸਬੰਧੀ ਪੰਜਾਬ ਅਤੇ ਕੇਂਦਰ ਸਰਕਾਰ ਵਿਰੁੱਧ ਰੋਸ ਮੁਜਾਹਰਾ 
ਮੋਗਾ, 6 ਨਵੰਬਰ ( ਜਸ਼ਨ, ਸਟਰਿੰਗਰ ਦੂਰਦਰਸ਼ਨ ) :  ਸ਼੍ਰੋਮਣੀ ਅਕਾਲੀ ਦਲ ਦੀ ਵਿਧਾਨ ਸਭਾ ਹਲਕਾ ਮੋਗਾ ਦੀ ਸਮੁੱਚੀ ਲੀਡਰਸ਼ਿਪ ਵਲੋਂ ਝੋਨੇ ਦੀ ਖਰੀਦ ਦੇ ਮਾੜੇ ਪ੍ਰਬੰਧਾਂ, ਕਿਸਾਨਾਂ ਦੀ ਕੱਟ ਲਗਾ ਕੇ ਕੀਤੀ ਜਾ  ਰਹੀ ਕਥਿਤ ਲੁੱਟ, ਡੀ. ਏ. ਪੀ. ਖਾਦ ਦੀ  ਘਾਟ ਅਤੇ ਕਾਲਾਬਜਾਰੀ ਸਬੰਧੀ ਪੰਜਾਬ ਅਤੇ ਕੇਂਦਰ ਸਰਕਾਰ ਵਿਰੁੱਧ ਰੋਸ ਮੁਜਾਹਰਾ ਕੀਤਾ ਗਿਆ ਜਿਸ ਦੌਰਾਨ ਜ਼ੋਰਦਾਰ ਨਾਅਰੇਬਾਜ਼ੀ ਕੀਤੀ ਗਈ । ਕਿਸਾਨਾਂ ਦੇ ਹੱਕ ਵਿੱਚ ਖੜਦਿਆਂ ਜ਼ਿਲਾ ਪ੍ਰਧਾਨ ਅਮਰਜੀਤ ਸਿੰਘ ਗਿੱਲ ਲੰਢੇਕੇ,ਹਲਕਾ ਇੰਚਾਰਜ ਸੰਜੀਤ ਸਿੰਘ ਸਨੀ ਗਿੱਲ ,ਰਾਜਿੰਦਰ ਸਿੰਘ ਡੱਲਾ ,ਦੇਵਿੰਦਰ ਸਿੰਘ ਰਣੀਆ, ਰਾਜਵਿੰਦਰ ਸਿੰਘ ਧਰਮਕੋਟ ,ਰਾਜਵੰਤ ਸਿੰਘ ਮਾਹਲਾ,ਜਗਦੀਸ਼ ਛਾਬੜਾ,  ਆਦਿ ਆਗੂਆਂ ਨੇ ਆਖਿਆ ਕਿ ਕਿਸਾਨੀ ਸਭ ਤੋਂ ਔਖੇ ਦੌਰ ਵਿਚੋਂ ਗੁਜ਼ਰ ਰਹੀ ਹੈ। ਧਰਨੇ ਵਿਚ ਗੁਰਬਿੰਦ ਸਿੰਘ ਸਿੰਘ ਵਾਲਾ ,ਜੌਨੀ ਗਿੱਲ ,ਰਾਵਦੀਪ ਸੰਘਾ,ਬਿਪਨਪਾਲ ਖੋਸਾ ,ਗੁਰਪ੍ਰੀਤ ਧੱਲੇਕੇ ,ਹਰਜਿੰਦਰ ਅਨਟੂ,ਬਲਜੀਤ ਜੱਸ ਮਾਂਗੇਵਾਲ ਅਤੇ ਵਰਕਰ ਹਾਜ਼ਿਰ ਸਨ।  ਧਰਨੇ ਉਪਰੰਤ ਸਮੂਹ ਆਗੂਆਂ ਅਤੇ ਵਰਕਰਾਂ ਨੇ ਰਾਜਪਾਲ ਪੰਜਾਬ , ਦੇ ਨਾਮ ਵਧੀਕ ਡਿਪਟੀ ਕਮਿਸ਼ਨਰ ਮੋਗਾ ਸ਼੍ਰੀਮਤੀ ਚਾਰੂਮਿਤਾ ਨੂੰ  ਮੈਮੋਰੰਡਮ ਸੌਂਪਿਆ ।