ਮੋਗਾ, 1 ਸਤੰਬਰ (ਜਸ਼ਨ) ਸ਼ਹਿਰ ਅੰਦਰ ਹਰ ਸਾਲ ਦੀ ਤਰਾਂ 10 ਤੋਂ 18 ਸਤੰਬਰ ਤੱਕ ਪੁਰਾਣੀ ਦਾਣਾ ਮੰਡੀ ਮੋਗਾ ਵਿਖੇ ਹੋਣ ਜਾ ਰਹੇ ਰਾਮਲੀਲਾ ਮੰਚਨ ਨੂੰ ਲੈਕੇ ਸੀਤਾ ਸਵੰਬਰ ਸੰਸਥਾ ਵਲੋਂ ਘਰ ਘਰ ਸੱਦਾ ਪੱਤਰ ਵੰਡਕੇ ਜਿਥੇ ਸਭਨਾ ਨੂੰ ਰਾਮਲੀਲਾ ਮੰਚਨ ਚ ਸ਼ਿਰਕਤ ਕਰਨ ਦੀ ਅਪੀਲ ਕੀਤੀ ਜਾ ਰਹੀ ਹੈ ਉੱਥੇ ਨੌਜਵਾਨ ਪੀੜੀ ਨੂੰ ਖਾਸ ਕਰਕੇ ਇਸ ਪ੍ਰੋਗਰਾਮ ਚ ਹਿਸਾ ਲੈਣ ਦਾ ਸੁਨੇਹਾ ਦਿੱਤਾ ਜਾ ਰਿਹਾ ਹੈ ! ਕਲੱਬ ਪ੍ਰਧਾਨ ਦੇਵ ਪ੍ਰਿਆ ਤਿਆਗੀ ਅਤੇ ਚੇਅਰਮੈਨ ਨਵੀਨ ਸਿੰਗਲਾ ਦੀ ਹੋਂਸਲਾ ਅਫਜਾਈ ਸਦਕਾ ਸ਼ਹਿਰ ਅੰਦਰ ਧਾਰਮਿਕ, ਸਿਆਸੀ, ਵਪਾਰੀ ਅਤੇ ਸਮਾਜਿਕ ਸੰਸਥਾਵਾਂ ਨੂੰ ਰਾਮਲੀਲਾ ਦੇ ਸੱਦਾ ਪੱਤਰ ਵੰਡੇ ਗਏ! ਅੱਜ ਕਲੱਬ ਵਲੋਂ ਕਾਂਗਰਸ ਦੇ ਹਲਕਾ ਇੰਚਾਰਜ ਮਾਲਵਿਕਾ ਸੂਦ, ਸਮਾਜ ਸੇਵੀ ਮੈਡਮ ਜੱਸ ਢਿੱਲੋਂ, ਯੋਗ ਮਾਹਿਰ ਅਨਮੋਲ ਸ਼ਰਮਾ, ਰਾਜਸ਼੍ਰੀ ਸ਼ਰਮਾ, ਮੇਅਰ ਬਲਜੀਤ ਸਿੰਘ ਚਾਨੀ ਸਮੇਤ ਹੋਰ ਮੋਹਤਵਾਰਾਂ ਨੂੰ ਸੱਦਾ ਪੱਤਰ ਵੰਡੇ ਗਏ! ਜਾਣਕਾਰੀ ਦਿੰਦਿਆਂ ਸੀਨੀਅਰ ਪ੍ਰੋਜੈਕਟ ਚੇਅਰਮੈਨ ਪਰਮਜੀਤ ਸਿੰਘ ਪੰਮਾ ਨੇ ਦਸਿਆ ਕਿ ਇਸ ਸਾਲ ਰਾਮਲੀਲਾ ਮੰਚਨ ਚ ਬਹੁਤ ਅਨੋਖੇ ਸੀਨ ਦੇਖਣਯੋਗ ਹੋਣਗੇ! ਇਸ ਮੌਕੇ ਕਲੱਬ ਦੇ ਸੀਨੀਅਰ ਵਾਈਸ ਪ੍ਰਧਾਨ ਗਗਨਦੀਪ ਮਿੱਤਲ, ਸੀਨੀਅਰ ਵਾਈਸ ਪ੍ਰਧਾਨ ਸਾਗਰ ਆਹਲੂਵਾਲੀਆ, ਚੇਅਰਮੈਨ ਰਾਜੇਸ਼ ਚੰਦ, ਖਜਾਨਚੀ ਬਲਵਿੰਦਰ ਅਰੋੜਾ ਅਤੇ ਹੋਰ ਮੈਂਬਰ ਵੀ ਹਾਜਿਰ ਸਨ!