ਮੋਗਾ, 29 ਮਾਰਚ (ਜਸ਼ਨ) ਮੋਗਾ ਦੇ ਨੇਚਰ ਪਾਰਕ ਨੂੰ ਸੁੰਦਰ ਬਣਾਉਣ ਅਤੇ ਨੇਚਰ ਪਾਰਕ ਨੂੰ ਹਰਿਆ-ਭਰਿਆ, ਵਾਤਾਵਰਨ ਨੂੰ ਸਾਫ਼-ਸੁਥਰਾ ਤੇ ਸੁੰਦਰ ਬਣਾਉਣ ਲਈ ਕੋਈ ਕਸਰ ਬਾਕੀ ਨਹੀਂ ਛੱਡੀ ਜਾਵੇਗੀ। ਰੁੱਖ ਲਗਾਏ ਜਾਣਗੇ। ਉਪਰੋਕਤ ਵਿਚਾਰਾਂ ਦਾ ਪ੍ਰਗਟਾਵਾ ਆਈ.ਐਸ.ਐਫ ਕਾਲਜ ਆਫ਼ ਫਾਰਮੇਸੀ ਦੇ ਚੇਅਰਮੈਨ ਪ੍ਰਵੀਨ ਗਰਗ ਨੇ ਅੱਜ  ਪ੍ਰੇਮੀਆਂ ਨਾਲ ਨੇਚਰ ਪਾਰਕ ਦੇ ਦੌਰੇ ਦੌਰਾਨ ਕੀਤਾ। ਚੇਅਰਮੈਨ ਪ੍ਰਵੀਨ ਗਰਗ ਨੇ ਦੱਸਿਆ ਕਿ ਨੇਚਰ ਪਾਰਕ ਵਿੱਚ ਪਿਛਲੇ ਕਈ ਸਾਲਾਂ ਤੋਂ ਸੇਵਾ ਨਿਭਾਅ ਰਹੇ ਐਕਸੀਅਨ ਵਿਜੇਅੰਤ ਸੂਦ, ਵਾਤਾਵਰਨ ਪ੍ਰੇਮੀ ਅਤੇ ਖੇਡ ਪ੍ਰਮੋਟਰ ਡਾ: ਸ਼ਮਸ਼ੇਰ ਸਿੰਘ ਮੱਤਾ , ਗੁੱਲੂ ਆਹਲੂਵਾਲੀਆ ਨੇ ਨੇਚਰ ਪਾਰਕ ਨੂੰ ਸੁੰਦਰ ਬਣਾਉਣ ਦਾ ਕੰਮ ਸੰਭਾਲਿਆ ਹੈ। ਸਾਰਾ ਸ਼ਹਿਰ ਸਵੇਰੇ-ਸ਼ਾਮ ਇੱਥੇ ਸੈਰ ਕਰਨ ਲਈ ਆਉਂਦਾ ਹੈ। ਪਾਰਕ ਨੂੰ ਪੇਂਟ ਕਰਕੇ ਸੁੰਦਰ ਬਣਾਇਆ ਜਾ ਰਿਹਾ ਹੈ। ਨਿੰਮ ਦੇ ਦਰੱਖਤ ਵੱਡੀ ਗਿਣਤੀ ਵਿੱਚ ਉੱਗਦੇ ਰਹੇ। ਇੱਥੋਂ ਦਾ ਵਾਤਾਵਰਨ ਬਹੁਤ ਸਾਫ਼ ਹੈ ਅਤੇ ਲੋਕ ਇੱਥੇ ਆ ਕੇ ਖ਼ੁਸ਼ੀ ਮਹਿਸੂਸ ਕਰਦੇ ਹਨ। ਉਨ੍ਹਾਂ ਸ਼ਹਿਰ ਵਾਸੀਆਂ ਨੂੰ ਨੇਚਰ ਪਾਰਕ ਨੂੰ ਸਾਫ਼ ਸੁਥਰਾ ਅਤੇ ਹਰਿਆ ਭਰਿਆ ਰੱਖਣ ਲਈ ਵੀ ਪ੍ਰੇਰਿਤ ਕੀਤਾ।