ਮੋਗਾ, 6 ਨਵੰਬਰ (ਜਸ਼ਨ) : ਅੱਜ ਮੋਗਾ ਅਮ੍ਰਿਤਸਰ ਰੋਡ ’ਤੇ ਸਥਿਤ ਪਿੰਡ ਕੜਾਹੇਵਾਲਾ ਨਜ਼ਦੀਕ ਵਾਪਰੇ ਇਕ ਸੜਕ ਹਾਦਸੇ ਵਿਚ ਪੰਜ ਨੌਜਵਾਨਾਂ ਦੀ ਮੌਕੇ ’ਤੇ ਮੌਤ ਹੋ ਗਈ ਜਦ ਕਿ ਇਕ ਨੌਜਵਾਨ ਗੰਭੀਰ ਜਖਮੀ ਹੋ ਗਿਆ।ਐੱਸ ਐੱਚ ਓ ਫਤਿਹਗੜ੍ਹ ਪੰਜਤੂਰ ਜਸਵਿੰਦਰ ਸਿੰਘ ਦੇ ਦੱਸਣ ਮੁਤਾਬਕ ਇਹ ਹਾਦਸਾ ਤੜਕਸਾਰ ਹੋਇਆ ਅਤੇ ਕੋਟਈਸੇ ਖਾਂ ਤੋਂ ਮੱਖੂ ਜਾ ਰਹੀ ਕਾਰ ਸਾਹਮਣਿਓਂ ਆ ਰਹੇ ਟਰੱਕ ਨਾਲ ਟਕਰਾ ਗਈ ਜਿਸ ਕਾਰਨ ਪੰਜ ਨੌਜਵਾਨਾਂ ਦੀ ਮੌਤ ਹੋ ਗਈ। ਇਹ ਨੌਜਵਾਨ ਮੋਗਾ ਦੇ ਕਸਬੇ ਕੋਟਈਸੇ ਖਾਂ ਦੇ ਲਾਗਲੇ ਵੱਖ ਵੱਖ ਪਿੰਡਾਂ ਦੇ ਹਨ ਪਰ ਅਜੇ ਤੱਕ ਪੂਰੀ ਤਰਾਂ ਸ਼ਨਾਖ਼ਤ ਨਹੀਂ ਹੋ ਸਕੀ। ਨੌਜਵਾਨਾਂ ਦੀਆਂ ਲਾਸ਼ਾਂ ਮੋਗਾ ਦੇ ਹਸਪਤਾਲ ਵਿਖੇ ਰੱਖਵਾਈਆਂ ਗਈਆਂ ਹਨ ਜਦ ਕਿ ਜ਼ਖਮੀ ਨੌਜਵਾਨ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ ਹੈ।