ਮੋਗਾ, 26 ਅਕਤੂਬਰ (ਜਸ਼ਨ):- ਭਾਰਤੀ ਜਨਤਾ ਪਾਰਟੀ ਹਮੇਸ਼ਾ ਹੀ ਆਪਣੇ ਆਗੂਆਂ ਨੂੰ ਬਣਦਾ ਮਾਣ ਸਨਮਾਨ ਦਿੰਦੀ ਹੈ ਅਤੇ ਮਿਹਨਤੀ ਵਰਕਰਾਂ ਨੂੰ ਵੱਡੀਆਂ ਜਿੰਮੇਵਾਰੀਆਂ ਨਾਲ ਨਿਵਾਜਿਆ ਜਾਂਦਾ ਹੈ। ਇਸੇ ਤਰ੍ਹਾਂ ਪੰਜਾਬ ਭਾਜਪਾ ਦੇ ਸਕੱਤਰ ਅਤੇ ਮੋਗਾ ਤੋ ਸਾਬਕਾ ਵਿਧਾਇਕ ਡਾ. ਹਰਜੋਤ ਕਮਲ ਨੂੰ ਲੋਕ ਸਭਾ ਹਲਕਾ ਫਰੀਦਕੋਟ ਦੀ ਕੋਰ ਕਮੇਟੀ ਦਾ ਮੈਂਬਰ ਅਤੇ ਹਲਕਾ ਮੋਗਾ ਦਾ ਕਨਵੀਨਰ ਨਿਯੁਕਤ ਕੀਤਾ ਗਿਆ ਹੈ। ਇਸ ਮੌਕੇ ਤੇ ਡਾ. ਹਰਜੋਤ ਕਮਲ ਨੇ ਸਮੁੱਚੀ ਭਾਜਪਾ ਹਾਈਕਮਾਂਡ ਦਾ ਧੰਨਵਾਦ ਕਰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਨੂੰ ਪਾਰਟੀ ਨੇ ਪਹਿਲਾਂ ਵੀ ਅਹਿਮ ਜਿੰਮੇਵਾਰੀਆਂ ਦਿੱਤੀਆਂ ਹਨ, ਜਿਸ ਵਿੱਚ ਲੁਧਿਆਣਾ ਤੋਂ ਐਮ.ਪੀ. ਚੋਣਾਂ, ਲੁਧਿਆਣਾ ਨਗਰ ਨਿਗਮ ਦੀਆਂ ਚੋਣਾਂ, ਦਿਹਾਤੀ ਹਲਕਾ ਜਗਰਾਓ ਦੀ ਜਿੰਮੇਵਾਰੀ ਦਿੱਤੀ ਗਈ ਹੈ, ਉਥੇ ਹੀ ਪਿਛਲੇ ਮਹੀਨਿਆਂ ਦੌਰਾਨ ਜਲੰਧਰ ਦੀ ਹੋਈ ਜਿਮਨੀ ਚੋਣ ਵਿੱਚ ਐਮ.ਪੀ. ਚੋਣਾਂ ਵਿੱਚ ਨਕੋਦਰ ਹਲਕੇ ਦੀ ਜਿੰਮੇਵਾਰੀ ਦਿੱਤੀ ਸੀ। ਹੁਣ ਪਾਰਟੀ ਨੇ ਰਾਜਸਥਾਨ ਦੇ ਬੀਕਾਨੇਰ ਜਿਲ੍ਹੇ ਵਿੱਚ ਨੋਖਾ ਹਲਕੇ ਦਾ ਇੰਚਾਰਜ ਨਿਯੁਕਤ ਕੀਤਾ ਹੈ, ਉਥੇ ਹੀ ਲੋਕ ਸਭਾ ਹਲਕਾ ਫਰੀਦਕੋਟ ਦੀ ਕੋਰ ਕਮੇਟੀ ਦਾ ਮੈਂਬਰ ਅਤੇ ਮੋਗਾ ਹਲਕੇ ਦਾ ਕਨਵੀਨਰ ਨਿਯੁਕਤ ਕੀਤਾ ਗਿਆ ਹੈ। ਡਾ. ਹਰਜੋਤ ਕਮਲ ਨੇ ਕਿਹਾ ਕਿ ਜਿਸ ਤਰ੍ਹਾਂ ਪਾਰਟੀ ਨੇ ਉਨ੍ਹਾਂ ਤੇ ਵਿਸ਼ਵਾਸ ਕਰਕੇ ਉਨ੍ਹਾਂ ਨੂੰ ਅਹਿਮ ਜਿੰਮੇਵਾਰੀਆਂ ਦਿੱਤੀਆਂ ਹਨ, ਉਹ ਪਾਰਟੀ ਲਈ ਦਿਨ ਰਾਤ ਸੇਵਾ ਕਰਦੇ ਰਹਿਣਗੇ ਅਤੇ ਪਾਰਟੀ ਦੇ ਮਿਸ਼ਨ ਨੂੰ ਕਾਮਯਾਬ ਕਰਨ ਲਈ ਹਰ ਸੰਭਵ ਯਤਨ ਕਰਦੇ ਰਹਿਣਗੇ। ਇਸ ਨਿਯੁਕਤੀ ਤੇ ਸਮੁੱਚੇ ਭਾਜਪਾ ਵਰਕਰਾਂ ਵਿੱਚ ਜੋਸ਼ ਅਤੇ ਖੁਸ਼ੀ ਦਾ ਮਾਹੌਲ ਹੈ ਅਤੇ ਸਾਰਿਆਂ ਨੇ ਡਾ. ਹਰਜੋਤ ਕਮਲ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਡਾ. ਹਰਜੋਤ ਕਮਲ ਦੀ ਕਾਬਲੀਅਤ ਨੂੰ ਪਾਰਟੀ ਨੇ ਪਛਾਣਿਂਆ ਹੈ ਅਤੇ ਡਾ. ਹਰਜੋਤ ਕਮਲ ਨੇ ਵੀ ਪਾਰਟੀ ਵੱਲੋਂ ਦਿੱਤੀ ਜਿੰਮੇਵਾਰੀ ਨੂੰ ਹਮੇਸ਼ਾ ਤਨਦੇਹੀ ਅਤੇ ਈਮਾਨਦਾਰੀ ਨਾਲ ਨਿਭਾਅ ਕੇ ਸਾਰਥਕ ਨਤੀਜੇ ਦਿੱਤੇ ਹਨ। ਡਾ. ਹਰਜੋਤ ਕਮਲ ਨੂੰ ਵਧਾਈ ਦੇਣ ਵਾਲਿਆਂ ਵਿੱਚ ਗੁਰਤੇਜ ਸਿੰਘ ਖੁਖਰਾਣਾ, ਜਗਜੀਤ ਸਿੰਘ ਸਰੰਪਚ ਰੱਤੀਆਂ, ਹਰਨੇਕ ਸਿੰਘ ਸਰਪੰਚ ਮੋਠਾਂਵਾਲੀ, ਅਮਰਜੀਤ ਸਿੰਘ ਥੰਮਣਵਾਲਾ, ਮਨਿੰਦਰ ਕੌਰ ਸਰਪੰਚ ਸਲ੍ਹੀਣਾ, ਜਗਵੀਨ ਸਿੰਘ ਸਰਪੰਚ ਕਾਲੀਏਵਾਲਾ, ਲਖਵੰਤ ਸਿੰਘ ਸਾਫੂਵਾਲਾ, ਨਿਰਮਲ ਸਿੰਘ ਦੱਦਾਹੂਰ,  ਮੇਜਰ ਸਿੰਘ ਭਾਊਆ ਵਾਲਾ ਕੋਟ, ਤਰਸੇਮ ਸਿੰਘ ਸਰਪੰਚ ਖੋਸਾ ਪਾਂਡੋ, ਗੁਰਜੰਟ ਸਿੰਘ ਮਾਨ ਦੌਲਤਪੁਰਾ, ਗੁਰਮੇਲ ਬਾਠ, ਦੇਵ ਦਾਰਾਪੁਰ, ਸਤਪਾਲ ਸਿੰਘ ਡਗਰੂ, ਗੁਰਮੇਜ ਸਿੰਘ ਚੋਟੀਆਂ, ਨਿਰਮਲ ਸਿੰਘ ਚੋਟੀਆਂ, ਨਿਰਮਲ ਸਿੰਘ ਮੀਨੀਆਂ, ਪ੍ਰਦੀਪ ਸ਼ਰਮਾ, ਪ੍ਰਿੰਸ ਗੈਦੂ, ਸੀਰਾ ਲੰਢੇਕੇ, ਸੁਖਦੇਵ ਤੂਰ, ਸਤਨਾਮ ਸਿੰਘ, ਮਨਜੀਤ ਸਿੰਘ ਮੋਨੂੰ, ਕਰਮਜੀਤ ਸਿੰਘ ਬੱਬੀ, ਕਮਲਜੀਤ ਕੌਰ ਧੱਲੇਕੇ, ਬਲਰਾਜ ਸਿੰਘ, ਸਤਪਾਲ ਸਿੰਘ, ਸਾਹਿਲ ਅਰੋੜਾ, ਗੁਰਵਿੰਦਰ ਸਿੰਘ ਮੰਡੀਰਾਂਵਾਲਾ, ਗੁਰਪ੍ਰੀਤ ਸਿੰਘ ਬੁੱਧ ਸਿੰਘ ਵਾਲਾ, ਜਸ਼ਨ ਤਾਰੇਵਾਲਾ, ਬਲਜਿੰਦਰ ਸਿੰਘ ਪੱਪੀ, ਜੀਤ ਘੱਲ ਕਲਾਂ, ਸਿਮਰਾ ਦੌਲਤਪੁਰਾ, ਬਲਜੋਤ ਦੌਲਤਪੁਰਾ, ਸਟੀਫ਼ਨ ਡਗਰੂ, ਕਸ਼ਮੀਰ ਸਿੰਘ ਲਾਲਾ, ਗੋਬਿੰਦ ਸਿੰਘ ਕੋਠੇ ਪੱਤੀ ਮੁਹੱਬਤ, ਭੋਲਾ ਕ੍ਰਿਸ਼ਚਨ, ਸੰਜੀਵ ਸੂਫੀ, ਗੁਰਸੇਵਕ ਸਮਰਾਟ, ਤੀਰਥ ਸਿੰਘ ਘੱਲ ਕਲਾਂ ਆਦਿ ਨੇ ਵਧਾਈ ਦਿੱਤੀ ਹੈ।