ਮੋਗਾ ,23 ਅਗਸਤ (ਜਸ਼ਨ) :ਉਪਭੋਗਤਾ ਅਧਿਕਾਰ ਸੰਗਠਨ (CRO) ਦੀ ਇੱਕ ਵਿਸ਼ੇਸ ਮੀਟਿੰਗ ਪੰਜਾਬ ਪ੍ਰਧਾਨ ਪੰਕਜ ਸੂਦ ਦੀ ਅਗਵਾਈ ਹੇਠ ਜ਼ਿਲਾ ਪ੍ਰਧਾਨ ਲੀਗਲ ਸੈੱਲ ਅਜੀਤ ਵਰਮਾ ਐਡਵੋਕੇਟ ਦੇ ਆਫਿਸ ਵਿਚ ਹੋਈ। ਇਸ ਦੌਰਾਨ ਪੰਜਾਬ ਪ੍ਰਧਾਨ ਅਤੇ ਜ਼ਿਲਾ ਪ੍ਰਧਾਨ ਲੀਗਲ ਸੈੱਲ ਵਲੋਂ ਲੀਗਲ ਸੈੱਲ ਦੀਆਂ ਨਵੀਂ ਨਿਯੁਕਤੀਆਂ ਕੀਤੀਆਂ ਗਿਆ। ਇਸ ਮੌਕੇ ਆਸ਼ੀਸ਼ ਗਰੋਵਰ ਐਡੋਵਕੇਟ ਨੂੰ ਹਲਕਾ ਮੋਗਾ ਦਾ ਪ੍ਰਧਾਨ, ਤੇਜਿੰਦਰ ਕੁਮਾਰ ਦੌਧਰ ਐਡਵੋਕੇਟ ਨੂੰ ਹਲਕਾ ਨਿਹਾਲ ਸਿੰਘ ਵਾਲਾ ਦਾ ਪ੍ਰਧਾਨ, ਨਸੀਬ ਸਿੰਘ ਸਿੱਧੂ ਐਡਵੋਕੇਟ ਨੂੰ ਹਲਕਾ ਧਰਮਕੋਟ ਦਾ ਪ੍ਰਧਾਨ ਅਤੇ ਲੱਖਵਿੰਦਰ ਸਿੰਘ ਗਿੱਲ ਐਡਵੋਕੇਟ ਨੂੰ ਹਲਕਾ ਜ਼ੀਰਾ (ਫ਼ਿਰੋਜ਼ਪੁਰ) ਦਾ ਪ੍ਰਧਾਨ ਨਿਯੁਕਤ ਕੀਤਾ ਗਿਆ। ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਪੰਕਜ ਸੂਦ ਅਤੇ ਅਜੀਤ ਵਰਮਾ ਐਡਵੋਕੇਟ ਨੇ ਸਾਰੇ ਨਵੇਂ ਨਿਯੁੱਕਤ ਕੀਤੇ ਗਏ ਪ੍ਰਧਾਨ ਸਹਿਬਾਨਾਂ ਨੂੰ ਵਧਾਈਆਂ ਦਿੱਤੀ ਅਤੇ ਉਪਭੋਗਤਾ ਦੇ ਅਧਿਕਾਰਾਂ ਤੋਂ ਜਾਣੂ ਕਰਵਾਇਆ। ਸਾਰੇ ਹੀ ਨਵੇਂ ਨਿਯੁੱਕਤ ਹੋਏ ਅਹੁਦੇਦਾਰਾਂ ਵਲੋਂ ਪੰਕਜ ਸੂਦ ਅਤੇ ਅਜੀਤ ਵਰਮਾ ਐਡਵੋਕੇਟ ਦਾ ਧੰਨਵਾਦ ਕੀਤਾ ਅਤੇ ਆਪਣੀਆਂ ਆਪਣੀਆਂ ਜ਼ੁੰਮੇਵਾਰੀਆਂ ਇਮਾਨਦਾਰੀ ਨਾਲ ਨਿਭਾਉਣ ਦੀ ਗੱਲ ਕੀਤੀ l ਅਜੀਤ ਵਰਮਾ ਐਡਵੋਕੇਟ ਨੇ ਵਿਸ਼ੇਸ ਤੌਰ ਤੇ ਪੰਕਜ ਸੂਦ, ਹਰਫੂਲ ਸਹਿਗਲ ਜ਼ਿਲਾ ਪ੍ਰਧਾਨ ਅਤੇ ਹਰਜਿੰਦਰ ਸਿੰਘ ਸਕੱਤਰ ਦਾ ਸਮਾਗਮ ਵਿੱਚ ਪਹੁੰਚਣ ਤੇ ਧੰਨਵਾਦ ਕੀਤਾ।