ਮੋਗਾ, 31 ਜੁਲਾਈ ( ਜਸ਼ਨ, ਸਟਰਿੰਗਰ ਦੂਰਦਰਸ਼ਨ )  ਦਸ਼ਮੇਸ਼ ਵੈਲਫੇਅਰ ਕਲੱਬ ਮੋਗਾ ਵਲੋਂ ਦਸ਼ਮੇਸ਼ ਪਾਰਕ ਗਲੀ ਨੰਬਰ 10 ਅੰਮ੍ਰਿਤਸਰ ਰੋਡ ਮੋਗਾ ਵਿਖੇ ਤੀਆਂ ਦੇ ਤਿਉਹਾਰ ਦਾ ਉਦਘਾਟਨੀ ਪ੍ਰੋਗਰਾਮ ਕੀਤਾ ਗਿਆ। 'ਦਸ਼ਮੇਸ਼ ਵੈਲਫੇਅਰ ਕਲੱਬ' ਮੋਗਾ ਦੀ ਸਾਰੀ ਟੀਮ ਨੇ ਇਹ ਉਪਰਾਲਾ ਧੀਆਂ ਭੈਣਾਂ ਨੂੰ ਇੱਕ ਵਿਹੜੇ ਵਿੱਚ ਇਕੱਠਿਆਂ ਕਰਕੇ ਤੀਆਂ ਦੇ ਤਿਉਹਾਰ ਵਿੱਚ ਖੁਸ਼ੀ ਦਾ ਅਨੰਦ ਮਾਨਣ ਤੇ ਬੱਚਿਆਂ ਵਿੱਚ ਬਹੁਗੁਨ ਵਿਕਸਤ ਕਰਨ ਦੇ ਉਦੇਸ਼ ਦਾ ਸੋਹਣਾ ਉਪਰਾਲਾ ਕੀਤਾ। ਇਸ ਮੌਕੇ ਹਰਜੀਤ ਸਿੰਘ (ਨਿਧਾਂ ਵਾਲਾ) ਐਡਵੋਕੇਟ ਨੇ ਦੱਸਿਆ ਕਿ ਇਹ ਤੀਆਂ ਦਸ਼ਮੇਸ਼ ਪਾਰਕ ਵਿੱਚ ਲਗਾਤਾਰ 15 ਦਿਨ ਚੱਲਣਗੀਆਂ ਅਤੇ 13-08-2023 ਨੂੰ ਸਮਾਪਤੀ ਸਮਾਰੋਹ ਤੇ ਵੱਡਾ ਸਮਾਰੋਹ ਹੋਵੇਗਾ। ਇਸ ਮੌਕੇ ਸ਼ਹਿਰ ਦੇ ਪਤਵੰਤੇ ਸੱਜਣਾਂ ਅਤੇ ਕਲੱਬ ਮੈਂਬਰ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਮੁਹੱਲਾ ਨਿਵਾਸੀ ਹਾਜਰ ਸਨ।