ਮੋਗਾ, 27 ਜੁਲਾਈ (ਜਸ਼ਨ):ਲਾਈਨ ਕਲੱਬ ਮੋਗਾ ਵਿਸ਼ਾਲ ਵੱਲੋਂ ਵੀਰ ਐਗਰੋ ਵਿਖੇ ਪੌਦੇ ਲਗਾਏ ਗਏ। ਲਾਇਨ ਕਲੱਬ ਮੋਗਾ ਵਿਸ਼ਾਲ ਨੇ 2000 ਬੂਟੇ ਲਗਾਉਣ ਦਾ ਟੀਚਾ ਰੱਖਿਆ ਹੈ ਜਿਸ ਵਿੱਚੋਂ 500 ਬੂਟੇ ਵੀਰ ਐਗਰੋ ਵਿਖੇ ਲਗਾ ਦਿੱਤੇ ਗਏ ਹਨ। 1500 ਬੂਟੇ ਜਲਦ ਹੀ ਅਲੱਗ ਅਲੱਗ ਜਗਾ ਤੇ ਲਗਾ ਦਿੱਤੇ ਜਾਣਗੇ। ਕੈਂਬਰਿਜ ਇੰਟਰਨੈਸ਼ਨਲ ਸਕੂਲ ਦੇ ਚੇਅਰਮੈਨ ਅਤੇ ਕਲੱਬ ਦੇ ਕੁਆਰਡੀਨੇਟਰ ਦਵਿੰਦਰਪਾਲ ਸਿੰਘ ਜੀ ਨੇ ਦੱਸਿਆ ਕਿ ਲਾਇਨਜ ਕਲੱਬ ਮੋਗਾ ਵਿਸ਼ਾਲ ਹਮੇਸ਼ਾਂ ਸਮਾਜ ਸੇਵੀ ਕੰਮਾਂ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲੈਂਦਾ ਹੈ। ਉਹਨਾਂ ਨੇ ਇਹ ਵੀ ਦੱਸਿਆ ਕਿ ਆਉਣ ਵਾਲੇ ਸਮੇਂ ਵਿੱਚ ਲਾਇਨ ਕਲੱਬ ਮੋਗਾ ਵਿਸ਼ਾਲ ਹੋਰ ਵੀ ਕਈ ਤਰ੍ਹਾਂ ਦੇ ਸਮਾਜ ਸੇਵੀ ਕੰਮਾਂ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲੈਂਦਾ ਰਹੇਗਾ। ਇਸ ਮੌਕੇ ਇੰਦਰਜੀਤ ਸਿੰਘ, ਸੁਰਿੰਦਰ ਗਰਗ, ਦਵਿੰਦਰਪਾਲ ਸਿੰਘ, ਡਾਕਟਰ ਕਾਂਸਲ, ਰਵਿੰਦਰ ਗੋਇਲ, ਰਾਜੂ, ਸੁਮੀਤ ਅਰੌੜਾ, ਦੀਪਕ ਤਾਇਲ, ਸੋਨੂੰ ਦੂਆ, ਡਾਕਟਰ ਇਕਬਾਲ ਸਿੰਘ, ਪੰਕਜ ਬਾਂਸਲ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ।