ਮੋਗਾ, 6 ਜੁਲਾਈ (ਜਸ਼ਨ)-ਲਾਇਨਜ ਕਲੱਬ ਮੋਗਾ ਵਿਸ਼ਾਲ ਨੇ ਸਮਾਜ ਸੇਵੀ ਕੰਮਾਂ ਵਿੱਚ ਹੋਰ ਚੰਗੇ ਢੰਗ ਨਾਲ ਤੱਤਪਰ ਹੋਣ ਲਈ ਆਪਣੀ ਨਵੀਂ ਟੀਮ ਦਾ ਗਠਨ ਕੀਤਾ ਜਿਸ ਵਿਚ ਸਰਵਸੰਮਤੀ ਨਾਲ ਕਲੱਬ ਦੀ ਨਵੀਂ ਟੀਮ ਚੁਣੀ ਗਈ। ਕਲੱਬ ਦੇ ਲਾਇਨ ਸੁਰਿੰਦਰ ਗਰਗ ਪ੍ਰੈਜ਼ੀਡੈਂਟ, ਲਾਇਨ ਇੰਦਰਜੀਤ ਸਿੰਘ ਸੈਕਟਰੀ ਅਤੇ ਪੰਕਜ ਗੁਪਤਾ ਕੈਸ਼ੀਅਰ ਚੁਣੇ ਗਏ। ਕਲੱਬ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਸਰਦਾਰ ਕੁਲਦੀਪ ਸਿੰਘ ਸਹਿਗਲ ਨੂੰ ਚੁਣਿਆ ਗਿਆ। ਸੂਰਜ ਧਮੀਜਾ ਅਤੇ ਖੁਸ਼ੀਲ ਬਾਂਸਲ ਨੂੰ ਵਾਈਸ ਪ੍ਰੈਜ਼ੀਡੈਂਟ ਦਾ ਅਹੁਦਾ ਦਿੱਤਾ ਗਿਆ। ਪਰਮਜੀਤ ਸਿੰਘ ਮਲਹੋਤਰਾ ਕਲੱਬ ਦੇ ਪੀ. ਆਰ .ੳ ਚੁਣੇ ਗਏ। ਰੋਹਨ ਸੂਦ ਅਤੇ ਸੁਮੇਸ਼ ਅਰੋੜਾ ਨੂੰ ਕਲੱਬ ਦੇ ਜੁਆਇੰਟ ਸੈਕਟਰੀ ਚੁਣਿਆ ਗਿਆ। ਪ੍ਰੇਮਦੀਪ ਬਾਂਸਲ ਨੂੰ ਗਰੁੱਪ ਦੀ ਚੇਅਰਮੈਨ ਮੈਂਬਰਸ਼ਿਪ ਮਿਲੀ। ਰਿਸ਼ੂ ਅਰੋੜਾ ਅਤੇ ਰਮਨ ਗੋਇਲ ਨੇ ਪ੍ਰੈਸ ਸੈਕਟਰੀ ਦੀ ਡਿਊਟੀ ਸੰਭਾਲੀ।  ਦਵਿੰਦਰਪਾਲ ਸਿੰਘ ਕਲੱਬ ਦੇ ਕੁਆਰਡੀਨੇਟਰ ਸਰਬ-ਸੰਮਤੀ ਨਾਲ ਚੁਣੇ ਗਏ। ਊਧਮ ਮੰਗਲਾ ਪ੍ਰੋਜੈਕਟ ਸੈਕਟਰੀ ਦਾ ਅਹੁਦਾ ਸੰਭਾਲਣਗੇ। ਵਿਸ਼ਾਲ ਪੁਰੀ ਟਾਕ ਟਵਿਸਟਰ ਦਾ ਕੰਮ ਕਰਨਗੇ। ਰਵਿੰਦਰ ਗੋਇਲ ਵਿਨੋਦ ਬਾਂਸਲ , ਰੋਹਿਤ ਸਿੰਗਲਾ, ਪ੍ਰਮੋਦ ਗੋਇਲ ,ਦਰਸ਼ਨ ਲਾਲ ਗਰਗ, ਪ੍ਰੇਮ ਗਰਗ,ਦੀਪਕ ਜਿੰਦਲ ਬੋਰਡ ਆਫ ਡਾਇਰੈਕਟਰ ਲਈ ਚੁਣੇ ਗਏ। ਇਸ ਤਰ੍ਹਾਂ ਨਵੀਂ ਬਣੀ ਟੀਮ ਨੇ ਸਮਾਜ ਸੇਵੀ ਕੰਮਾਂ ਵਿੱਚ ਵੱਧ ਚੜ ਕੇ ਹਿੱਸਾ ਲੈਣ ਦਾ ਪ੍ਰਣ ਲਿਆ। ਕੈਂਬਰਿਜ ਸਕੂਲ ਦੇ ਚੇਅਰਮੈਨ ਅਤੇ ਕਲੱਬ ਦੇ ਕੁਆਰਡੀਨੇਟਰ ਦਵਿੰਦਰਪਾਲ ਸਿੰਘ ਜੀ ਨੇ ਦੱਸਿਆ ਕਿ ਲਾਇਨਜ ਕਲੱਬ ਮੋਗਾ ਵਿਸ਼ਾਲ ਹਮੇਸ਼ਾਂ ਸਮਾਜ ਸੇਵੀ ਕੰਮਾਂ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲੈਂਦਾ ਹੈ । ਕਿਸੇ ਵੀ ਲੋੜਵੰਦ ਨੂੰ ਸਹਾਇਤਾ ਦਿੰਦਾ ਹੈ । ਨਵੀਂ ਬਣੀ ਟੀਮ ਵੀ ਆਉਣ ਵਾਲੇ  ਸਮੇਂ ਵਿਚ ਇਸੇ ਤਰ੍ਹਾਂ ਸਮਾਜ ਸੇਵੀ ਕੰਮਾਂ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲੈਂਦੀ ਰਹੇਗੀ।