ਮੋਗਾ, 25 ਮਈ (ਜਸ਼ਨ):- ਮੋਗਾ ਦੇ ਪਿੰਡ ਕਪੂਰੇ ਦੇ ਸ਼ਹੀਦ ਹੌਲਦਾਰ ਅਵਤਾਰ ਸਿੰਘ ਦੀ 21ਵੀਂ ਸਲਾਨਾ ਬਰਸੀ ਅਤੇ ਸ਼ਰਧਾਂਜਲੀ ਸਮਾਰੋਹ ਸ਼ਹੀਦ ਦੇ ਪਰਿਵਾਰ ਅਤੇ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ। ਇਸ ਸਮਾਗਮ ਦੀ ਸ਼ੁਰੂਆਤ ਬਾਬਾ ਅੱਛਰ ਸਿੰਘ ਜੀ ਨੇ ਸ਼੍ਰੀ. ਸੁਖਮਨੀ ਸਾਹਿਬ ਦੇ ਪਾਠ ਤੋਂ ਕੀਤੀ  ਅਤੇ ਅਰਦਾਸ ਉਪਰੰਤ ਸ਼ਹੀਦ ਹੌਲਦਾਰ ਅਵਤਾਰ ਸਿੰਘ ਦੇ ਆਦਮ ਕੱਦ ਬੁੱਤ ਉੱਪਰ ਫੁੱਲ ਮਾਲਾਵਾਂ ਭੇਂਟ ਕਰ ਸ਼ਰਧਾਂਜਲੀ ਦਿੱਤੀ ਗਈ। ਇਸ ਮੌਕੇ ਜਾਣਕਾਰੀ ਦਿੰਦੇ ਹੋਏ ਸ਼ਹੀਦ ਦੇ ਪਰਿਵਾਰ ਨੇ ਦੱਸਿਆ ਕਿ 25 ਮਈ 2001 ਨੂੰ ਅਵਤਾਰ ਸਿੰਘ ਜੋ ਕਿ ਜੰਮੂ ਕਸ਼ਮੀਰ ਦੇ ਉਧਮਪੁਰ ਵਿਖੇ ਡਿਉਟੀ ਦੌਰਾਨ ਅੱਤਵਾਦੀਆਂ ਵਲੋਂ ਕੀਤੇ ਬੰਬ ਧਮਾਕੇ ਵਿੱਚ ਸ਼ਹੀਦ ਹੋ ਗਏ ਸਨ, ਉਨ੍ਹਾ ਦੀ ਯਾਦ ਵਿੱਚ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਬਰਸੀ ਅਤੇ ਸ਼ਰਧਾਂਜਲੀ ਸਮਾਰੋਹ ਕਰਵਾਇਆ ਗਿਆ ਜਿਸ ਵਿੱਚ ਸੀ.ਆਰ.ਪੀ.ਐਫ਼ ਜਲੰਧਰ ਕੈਂਟ ਤੋਂ ਆਏ ਅਸਿਸਟੈਂਟ ਕਮਾਂਡੇਟ ਅੰਕੁਸ਼ ਕੁਮਾਰ ਨਾਲ ਆਈ ਵਿਸ਼ੇਸ਼ ਟੁਕੜੀ ਨੇ ਸ਼ਹੀਦ ਨੂੰ ਸਲਾਮੀ ਦੇ ਕੇ ਆਪਣੀ ਸ਼ਰਧਾਂਜਲੀ ਅਰਪਿਤ ਕੀਤੀ। ਮਾਸਟਰ ਬੂਟਾ ਸਿੰਘ ਨੇ ਸ਼ਹੀਦ ਦੇ ਜਵੀਨ ਬਾਰੇ ਜਾਣਕਾਰੀ ਦਿੱਤੀ ਅਤੇ ਉਨ੍ਹਾਂ ਦੀ ਕੁਰਬਾਨੀ ਨੂੰ ਯਾਦ ਕਰਦਿਆਂ ਸ਼ਰਧਾਂਜਲੀ ਅਰਪਣ ਕੀਤੀ੍। ਇਸ ਉਪਰੰਤ ਸਰਪੰਚ ਇਕਬਾਲ ਸਿੰਘ, ਸ਼ਹੀਦ ਦੀ ਪਤਨੀ ਕੁਲਵਿੰਦਰ ਕੌਰ (ਰਿਟਾ) ਸੀਨੀਅਰ ਸਹਾਇਕ, ਬੇਟਾ ਮਨਪ੍ਰੀਤ ਸਿੰਘ, ਨੂੰਹ ਕਿਰਨਪ੍ਰੀਤ ਕੌਰ, ਪੋਤਾ ਅਵਨਿੰਦਰ ਸਿੰਘ, ਜਵਾਈ ਜਸਪ੍ਰੀਤ ਸਿੰਘ, ਬੇਟੀ ਕਿਰਨਪ੍ਰੀਤ ਕੌਰ, ਮਨਜੀਤ ਸਿੰਘ ਕੁੱਸਾ, ਭਰਾ ਵਰਿੰਦਰ ਸਿੰਘ, ਭਰਾ ਜਗਤਾਰ ਸਿੰਘ, ਚਾਚਾ ਅਮਰਜੀਤ ਸਿੰਘ, ਰਣਜੀਤ ਸਿੰਘ, ਰਾਜਵਿੰਦਰ ਸਿੰਘ ਰਾਜ, ਮਨਿੰਦਰ ਸਿੰਘ, ਅਮਰ ਸਿੰਘ ਵੈਲਫੇਅਰ ਕਲੱਬ ਕਪੂਰੇ, ਬਾਬਾ ਸਤਨਾਮ ਸਿੰਘ ਮਸਕੀਨ, ਪਿੰਡ ਦੇ ਸਾਬਕਾ ਫੌਜੀ, ਮਾ. ਬੂਟਾ ਸਿੰਘ, ਮਾ. ਗੁਰਦਿੱਤ ਸਿੰਘ, ਮਾ. ਕੁਲਦੀਪ ਸਿੰਘ, ਮੈਡਮ ਹਰਮੀਤ ਕੌਰ, ਮੈਡਮ ਰਾਜਵੰਤ ਕੌਰ, ਕੰਵਲਜੀਤ ਸਿੰਘ, ਕੁਲਵਿੰਦਰ ਕੌਰ, ਚੇਤਨ ਕੌਰ,ਦਮਨਜੋਤ ਸਿੰਘ, ਸੁਰਜੀਤ ਸਿੰਘ ਫੌਜੀ, ਚੰਦ ਸਿੰਘ, ਹਰਦੀਪ ਸਿੰਘ ਸੋਨੂੰ, ਵਾਈਸ ਚੇਅਰਮੈਨ ਜਗਦੀਪ ਸੀਰਾ ਲੰਢੇਕੇ, ਚੇਅਰਮੈਨ ਦੀਸ਼ਾ ਬਰਾੜ, ਲਾਲਾ ਤਾਇਲ, ਰਾਮ ਸਰੂਪ ਮੱਦੋਕੇ, ਹਰਨੇਕ ਸਿੰਘ ਢੁੱਡੀਕੇ, ਰੂਪਾ ਸਾਫੂਵਾਲਾ, ਗੁਰਬਚਨ ਸਿੰਘ, ਅਮਰਜੀਤ ਸਿੰਘ, ਸੁਖਮੰਦਰ ਸਿੰਘ ਡਾਲਾ, ਹਰਪ੍ਰੀਤ ਸਿੰਘ ਤੋਂ ਇਲਾਵਾ ਸ਼ਹੀਦ ਦੇ ਰਿਸ਼ਤੇਦਾਰਾਂ ਅਤੇ ਨਗਰ ਦੇ ਸਾਬਕਾ ਫੌਜੀਆਂ ਨੇ ਸ਼ਰਧਾਂਜਲੀ ਅਰਪਿਤ ਕੀਤੀ। ਅੰਤ ਵਿੱਚ ਸ਼ਹੀਦ ਦੇ ਪਰਿਵਾਰ ਨੇ ਸਾਰੇ ਹੀ ਸਹਿਯੋਗੀਆਂ, ਗੁਰੂਦੁਆਰਾ ਕਮੇਟੀ ਕਪੂਰੇ, ਸਰਕਾਰੀ ਸਕੂਲ ਦੇ ਸਮੂਹ ਅਧਿਆਪਕਾਂ, ਅਮਰ ਸਿੰਘ ਵੈਲਫੇਅਰ ਕਲੱਬ ਦਾ ਧੰਨਵਾਦ ਕੀਤਾ ਅਤੇ ਬਰਸੀ ਅਤੇ ਸ਼ਰਧਾਂਜਲੀ ਸਮਾਗਮ ਵਿੱਚ ਪਹੁੰਚੀ ਸਾਰੀ ਹੀ ਸੰਗਤ ਦਾ ਸਵਾਗਤ ਕੀਤਾ।