ਮੋਗਾ, 27 ਫਰਵਰੀ  (ਇੰਟਰਨੈਸ਼ਨਲ  ਪੰਜਾਬੀ  ਨਿਊਜ਼ ) : ਦਿੱਲੀ ਵਿਖੇ ਹੋਏ ਵਿਸ਼ੇਸ਼ ਸਮਾਗਮ ਦੌਰਾਨ ਮਾਈਕਰੋ ਗਲੋਬਲ ਸੰਸਥਾ ਨੂੰ ਸਾਲ 2022 ਲਈ ਬੇਹਤਰੀਨ ਸੰਸਥਾ  (Best Immigration Consultant Award of Excellence 2022 ) ਵਜੋਂ ਸਨਮਾਨਿਆ ਗਿਆ  | ਮੇਜਰ ਧਿਆਨ ਚੰਦ ਸਟੇਡੀਅਮ ਦਿੱਲੀ ਵਿਖੇ ਹੋਏ ਪ੍ਰਭਾਵਸ਼ਾਲੀ ਸਮਾਗਮ ਦੌਰਾਨ, ਮਾਈਕਰੋ ਗਲੋਬਲ ਦੇ ਮੈਨੇਜਿੰਗ ਡਾਇਰੈਕਟਰ ਚਰਨਜੀਤ ਸਿੰਘ ਝੰਡੇਆਣਾ ਨੇ ਬਾਲੀਵੁੱਡ ਸਟਾਰ ਮਨੀਸ਼ਾ ਲਾਂਬਾ ਤੋਂ ਇਹ ਐਵਾਰਡ ਪ੍ਰਾਪਤ ਕਰਨ ਉਪਰੰਤ 'ਸਾਡਾ ਮੋਗਾ ਡੌਟ ਕੌਮ’ ਨਿਊਜ਼ ਪੋਰਟਲ ਦੇ ਪ੍ਰਤੀਨਿਧ  ਨਾਲ ਗੱਲਬਾਤ ਕਰਦਿਆਂ  ਆਖਿਆ ਕਿ ਆਪਣੇ ਲੋਕਾਂ ਦੇ ਪਿਆਰ ਤੇ ਸਹਿਯੋਗ ਸਦਕਾ ਇਹ ਸੁਭਾਗਾ ਸਮਾਂ ਮਿਲਿਆ ਹੈ  | ਉਹਨਾਂ ਕਿਹਾ ਕਿ ਮਾਈਕਰੋ ਗਲੋਬਲ ਸੰਸਥਾ ਹਮੇਸ਼ਾ ਵਿਦਿਆਰਥੀਆਂ ਲਈ ਉਹਨਾ ਦੇ ਬਿਹਤਰ ਭਵਿੱਖ ਵਾਸਤੇ  ਕਾਮਨਾ ਕਰਦੀ  ਹੈ ਅਤੇ ਸੰਸਥਾ ਕਮਜ਼ੋਰ  ਵਿਦਿਆਰਥੀਆਂ  ਲਈ ਹਮੇਸ਼ਾ ਵਰਦਾਨ ਸਾਬਿਤ ਹੋਈ  ਹੈ | ਉਹਨਾਂ ਇਸ ਮੌਕੇ ਕਮਲਜੀਤ ਸਿੰਘ ਕੈਨੇਡਾ ਅਤੇ ਅਮਰਜੀਤ ਸਿੰਘ  ਨੂੰ ਵਧਾਈ ਦਿੰਦਿਆਂ ਆਖਿਆ ਕਿ ਉਹਨਾਂ ਦੁਆਰਾ ਲਾਇਆ ਬੂਟਾ ਹੁਣ ਪਰਫੁਲੱਤ ਹੋ ਰਿਹਾ ਹੈ |