ਮੋਗਾ,3 ਨਵੰਬਰ (ਜਸ਼ਨ):‘ਨਈਂ ਉਡਾਨ ਸੋਸ਼ਲ ਐਂਡ ਵੈੱਲਫੇਅਰ ਸੁਸਾਇਟੀ’ ਦੇ ਪ੍ਰਧਾਨ ਨਵੀਨ ਸਿੰਗਲਾਂ ਨੇ ਮੋਗਾ ਵਾਸੀਆਂ ਨੂੰ ਦੀਵਾਲੀ ਦੇ ਸ਼ੁੱਭ ਦਿਹਾੜੇ ’ਤੇ ਮੁਬਾਰਕਾਂ ਦਿੰਦਿਆਂ ਆਖਿਆ ਕਿ ਭਗਵਾਨ ਸ਼੍ਰੀ ਰਾਮ ਚੰਦਰ ਜੀ ਦੇ ਅਯੁਧਿਆ ਵਾਪਸ ਪਰਤਣ ’ਤੇ ਆਮ ਲੋਕਾਂ ਵੱਲੋਂ ਰਵਾਇਤੀ ਢੰਗ ਨਾਲ ਬਾਲੇ ਮਿੱਟੀ ਦੇ ਦੀਵੇ ਅੱਜ ਵੀ ਸਾਨੂੰ ਆਪਣੇ ਪੁਰਾਤਨ ਵਿਰਸੇ ਦੀ ਯਾਦ ਦਿਵਾਉਂਦੇ ਨੇ , ਇਸ ਕਰਕੇ ਸਾਨੂੰ ਰੌਸ਼ਨੀਆਂ ਦੀ ਚਕਾਚੌਂਧ ਦੀ ਬਜਾਏ ਇਸ ਸੰਸਿਤਕ ਤਿਓਹਾਰ ਨੂੰ ਸਾਦਗੀ ਅਤੇ ਭਗਵਾਨ ਰਾਮ ਦੀਆਂ ਸਿੱਖਿਆਵਾਂ ’ਤੇ ਅਮਲ ਕਰਦਿਆਂ ਪੂਜਾ ਅਰਚਨਾ ‘ਚ ਭਾਗ ਲੈਣਾ ਚਾਹੀਦਾ ਹੈ ਤਾਂ ਕਿ ਸਾਡੀਆਂ ਆਉਣ ਵਾਲੀਆਂ ਪੀੜ੍ਹੀਆਂ ਆਪਣੀ ਵਿਰਾਸਤ ਨਾਲ ਜੁੜ ਕੇ ਨੈਤਿਕ ਤੌਰ ’ਤੇ ਪਰਪੱਕ ਹੋ ਸਕਣ। ਉਹਨਾਂ ਆਖਿਆ ਕਿ ਆਓ ਭਗਵਾਨ ਸ਼੍ਰੀ ਰਾਮ ਜੀ ਅੱਗੇ ਅਰਦਾਸ ਕਰੀਏ ਕਿ ਦੀਵਾਲੀ ਦੀਆਂ ਇਹ ਰੌਸ਼ਨੀਆਂ ਹਰ ਸਖਸ਼ ਦੇ ਭਵਿੱਖ ਨੂੰ ਸਦਾ ਸੁਨਹਿਰੀ ਕਿਰਨਾਂ ਨਾਲ ਰੁਸ਼ਨਾਉਂਦੀਆਂ ਰਹਿਣ।