***ਚੋਣ ਜਲਸੇ ‘ਚ ਹੋਏ ਭਾਰੀ ਇਕੱਠ ਨੂੰ ਵੇਖਦਿਆਂ ਕਿਹਾ ਜਾ ਸਕਦਾ ਹੈ ਕਿ ਸਾਰੇ ਵਾਰਡਾਂ ‘ਚੋਂ ਕਾਂਗਰਸ ਦੇ ਉਮੀਦਵਾਰ ਦੀ ਜਿੱਤ ਯਕੀਨੀ ਹੈ :ਕਾਕਾ ਲੋਹਗੜ੍ਹ ***
ਕੋਟ ਈਸੇ ਖਾਂ, 12 ਫਰਵਰੀ (ਜਸ਼ਨ)-14 ਫਰਵਰੀ ਨੂੰ  ਨਗਰ ਪੰਚਾਇਤ ਦੀਆਂ ਹੋ ਰਹੀਆਂ ਚੋਣਾਂ ‘ਚ ਕਾਂਗਰਸ ਪਾਰਟੀ ਦੇ ਚੋਣ ਰਹੇ ਉਮੀਦਵਾਰ ਵਾਰਡ ਨੰਬਰ 10 ‘ਚ ਪ੍ਰਦੀਪ ਪਲਤਾ, ਵਾਰਡ ਨੰਬਰ 1 ਗੁਰਵੀਰ ਕੌਰ ਪਤਨੀ ਲਖਵੀਰ ਸਿੰਘ ਭਾਉ, ਵਾਰਡ ਨੰਬਰ 13 ਸੁੱਚਾ ਸਿੰਘ ਵਾਰਡ ਨੰਬਰ 3 ਛਿੰਦਰ ਕੌਰ ਪਤਨੀ ਪ੍ਰਕਾਸ਼ ਰਾਜਪੂਤ ਦੇ ਹੱਕ ‘ਚ ਹਲਕਾ ਵਿਧਾਇਕ ਸੁਖਜੀਤ ਸਿੰਘ ਲੋਹਗੜ੍ਹ ਨੇ ਚੋਣ ਪ੍ਰਚਾਰ ਕੀਤਾ । ਇਸ ਚੋਣ ਜਲਸੇ ‘ਚ ਸੈਂਕੜਿਆਂ ਦੀ ਗਿਣਤੀ ‘ਚ ਵੋਟਰ ਇਕੱਠੇ ਹੋਏ।  ਚੋਣ ਜਲਸੇ ‘ਚ ਇਲਾਕੇ ਦੇ ਵੱਖ-ਵੱਖ ਕਾਂਗਰਸੀ ਆਗੂਆਂ ਨੇ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਉਹ ਕਾਂਗਰਸ ਦੇ ਉਮੀਦਵਾਰਾਂ ਨੂੰ ਵੱਡੇ ਅੰਤਰ ਜਿਤਾਉਣ । ਅੰਤ ‘ਚ ਵਿਧਾਇਕ ਲੋਹਗੜ੍ਹ ਨੇ ਬੋਲਦਿਆਂ ਕਿਹਾ ਕਿ ਚੋਣ ਜਲਸੇ ‘ਚ ਹੋਏ ਭਾਰੀ ਇਕੱਠ ਨੂੰ ਵੇਖਦਿਆਂ ਹੋਏ ਕਿਹਾ ਜਾ ਸਕਦਾ ਹੈ ਕਿ ਸਾਰੇ ਵਾਰਡਾਂ ‘ਚੋਂ ਕਾਂਗਰਸ ਦੇ ਉਮੀਦਵਾਰ ਦੀ ਜਿੱਤ ਯਕੀਨੀ ਹੈ । ਉਨ੍ਹਾਂ ਕਿਹਾ ਕਿ ਅਕਾਲੀ ਭਾਜਪਾ ਨੇ 10 ਸਾਲਾਂ ਕਾਰਜਕਾਲ ਦੌਰਾਨ ਸਿਰਫ ਲੋਕਾਂ ਨੂੰ ਗੁਮਰਾਹ ਹੀ ਕੀਤਾ । ਉਨ੍ਹਾਂ ਕਿਹਾ ਕਿ ਤੁਸੀ ਕੋਟ ਈਸੇ ਖਾਂ ਦੀ ਮਿਸਾਲ ਹੀ ਲੈ ਲਵੋ, ਇੱਥੇ ਪਾਣੀ ਦੇ ਨਿਕਾਸੀ ਦਾ ਬੁਰਾ ਹਾਲ ਹੈ ਅਤੇ ਸੁਖਬੀਰ ਬਾਦਲ ਵੱਲੋਂ ਆਪਣੇ ਕਾਰਜ ਕਾਲ ਦੌਰਾਨ ਸੀਵਰੇਜਾਂ ਦੇ ਰੱਖੇ ਨਹੀ ਪੱਥਰ ਸਿਰਫ ਨੀਂਹ ਪੱਥਰਾਂ ਤੱਕ ਹੀ ਰਹਿ ਗੲ। ਉਨ੍ਹਾਂ ਕਿਹਾ ਕਿ ਸਾਰੇ ਵਾਰਡਾਂ ‘ਚ ਕਾਂਗਰਸ ਪਾਰਟੀ ਨੇ ਇਮਾਨਦਾਰ, ਸੂਝਵਾਨ, ਬੇਦਾਗ, ਉਮੀਦਵਾਰ ਖੜੇ ਕੀਤੇ ਹਨ ਜਿਹੜੇ ਕਿ ਹਰ ਵੇਲੇ ਤੁਹਾਡੇ ਹਰ ਕੰਮ ਨੂੰ ਸਹਿਜਤਾ ਨਾਲ ਕਰਨਗੇ, ਇਸ ਕਰਕੇ 14 ਫਰਵਰੀ ਨੂੰ ਪੰਜੇ ਵਾਲਾ ਬਟਨ ਦਬਾ ਕੇ ਕਾਂਗਰਸ ਦੇ ਉਮੀਦਵਾਰ ਜਿਤਾਓ । ਇਸ ਸਮੇਂ ਹਲਕੇ ਦੀ ਕਾਂਗਰਸ ਦੇ ਆਗੂ ਤੋਂ ਇਲਾਵਾ ਸ੍ਰੀ ਵਿਜੇ ਕੁਮਾਰ ਧੀਰ, ਬਿੱਟੂ ਮਲਹੋਤਰਾ, ਕੁਲਬੀਰ ਮਸੀਤਾਂ, ਬਿੰਦਰ ਸਿੰਘ ਸਰਪੰਚ ਗਲੋਟੀ, ਰਾਜਨ ਵਰਮਾ, ਮੁਕੇਸ਼ ਪਲਤਾ ਆਦਿ ਹਾਜਰ ਸਨ।