ਗੱਡੀਆਂ ਚੋਰੀ ਕਰਨ ਵਾਲੇ ਗਿਰੋਹ ਦੇ ਤਿੰਨ ਮੈਂਬਰ ਆਏ ਪੁਲਿਸ ਅੜਿੱਕੇ,*ਫੜੇ ਗਏ ਵਿਅਕਤੀਆਂ ਤੋਂ ਚੋਰੀਆਂ ਦੀਆਂ ਤਿੰਨ ਗੱਡੀਆਂ ਬਰਾਮਦ
ਜੈਤੋ, 02 ਜਨਵਰੀ (ਮਨਜੀਤ ਸਿੰਘ ਢੱਲਾ)- ਮਾਨਯੋਗ ਸ੍ਰੀ ਸਵਰਨਦੀਪ ਸਿੰਘ ਐਸ.ਐਸ.ਪੀ ਫਰੀਦਕੋਟ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਮਾੜੇ ਅਨਸਰਾਂ ਖਿਲਾਫ ਚਲਾਈ ਗਈ ਮੁਹਿੰਮ ਤਹਿਤ ਪਰਮਿੰਦਰ ਸਿੰਘ ਗਰੇਵਾਲ ਪੀ.ਪੀ.ਐਸ ਉਪ ਕਪਤਾਨ ਪੁਲਿਸ ਸਬ-ਡਵੀਜਨ ਜੈਤੋ ਦੀ ਅਗਵਾਈ ਹੇਠ ਥਾਣਾ ਜੈਤੋ ਦੇ ਪੁਲਿਸ ਇੰਸਪੈਕਟਰ ਇਕਬਾਲ ਸਿੰਘ ਸੰਧੂ ਜੈਤੋ ਦੀ ਟੀਮ ਦੁਆਰਾ ਮਿਲੀ ਜਾਣਕਾਰੀ ਅਨੁਸਾਰ ਤੇ ਸਹਾਇਕ ਥਾਣੇਦਾਰ ਕਾਹਨ ਸਿੰਘ ਸਮੇਤ ਪੁਲਿਸ ਪਾਰਟੀ ਵੱਲੋ ਮੁਕੱਦਮਾ ਨੰਬਰ- 209 ਮਿਤੀ 31-12-2020 ਅ / ਧ 379 ਦਰਜ਼ ਕਰਨ ਉਪਰੰਤ ਥਾਣਾ ਜੈਤੋ ਦੀ ਤਫਤੀਸ਼ ਦੌਰਾਨ ਕਾਥਿਤ ਦੋਸ਼ੀ ਅਮਨਦੀਪ ਸਿੰਘ ਉਰਫ ਜ਼ਿੰਮੀ ਪੁੱਤਰ ਸੁਖਮੰਦਰ ਸਿੰਘ ਵਾਸੀ ਫਤਿਹਗੜ ਦਬੜੀਖਾਨਾ , ਮਨਦੀਪ ਸਿੰਘ ਪੁੱਤਰ ਮੇਵਾ ਸਿੰਘ ਵਾਸੀ ਫ਼ਤਿਹਗੜ ਦਬੜੀਖਾਨਾ ਅਤੇ ਗੁਰਦਿੱਤਾ ਸਿੰਘ ਪੁੱਤਰ ਗੁਰਮੇਲ ਸਿੰਘ ਵਾਸੀ ਕੋਟਲੀ ਅਬਲੂ ਟਿੱਬੀ ਵਾਲਾ ਵੇਹੜਾ ਨੂੰ ਗ੍ਰਿਫਤਾਰ ਕਰਨ ਵਿੱਚ ਸਫਲਤਾ ਹਾਸਿਲ ਕੀਤੀ ਹੈ । ਪੁਲਿਸ ਸੂਤਰਾਂ ਅਨੁਸਾਰ ਜਿੰਨਾ ਪਾਸੋ ਉਕਤ ਮੁਕੱਦਮੇ ਵਿੱਚ ਚੋਰੀ ਦੀ ਕੀਤੀ ਇਕ ਅਲਟੋ ਕਾਰ ਅਤੇ ਦੋ ਹੋਰ ਜਿਨ ਕਾਰਾ ਬਰਾਮਦ ਕਰਾਈਆ ਗਈਆ ਹਨ । ਦੋਸੀਆਨ ਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ 3 ਦਿਨਾਂ ਦਾ ਪੁਲਿਸ ਰਿਮਾਂਡ ਪੁੱਛ ਗਿੱਛ ਲਈ ਹਾਸਲ ਕੀਤਾ ਗਿਆ ਹੈ । ਜਿੰਨਾ ਪਾਸੋ ਡੂੰਘਾਈ ਨਾਲ ਹੋਰ ਵੀ ਪੁੱਛ /ਗਿੱਛ ਕੀਤੀ ਜਾਵੇਗੀ ਅਤੇ ਹੋਰ ਵੀ ਅਹਿਮ ਖੁਲਾਸੇ ਹੋਣ ਦੇ ਅਸਾਰ ਹਨ । ਮੀਡੀਆ ਨੂੰ ਇਹ ਜਾਣਕਾਰੀ ਥਾਣਾ ਜੈਤੋ ਦੇ ਮੁੱਖ ਮੁਨਸ਼ੀ ਸੁਖਵਿੰਦਰਪਾਲ ਸਿੰਘ ਨੇ ਦਿੱਤੀ।
