ਮੋਗਾ,14 ਨਵੰਬਰ (ਜਸ਼ਨ)- ਮਾਊਂਟ ਲਿਟਰਾ ਜ਼ੀ ਸਕੂਲ ਦੇ ਐੱਮ ਡੀ ਅਨੁਜ ਗੁਪਤਾ ਨੇ ਮੋਗਾ ਵਾਸੀਆਂ ਨੂੰ ਦੀਵਾਲੀ ਦੀਆਂ ਮੁਬਾਰਕਾਂ ਦਿੰਦਿਆਂ ਅਪੀਲ ਕੀਤੀ ਕਿ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਪ੍ਰਦੂਸ਼ਣ ਦੀ ਮਾਰ ਤੋਂ ਬਚਾਉਣ ਲਈ ਪਟਾਕਿਆਂ ਤੋਂ ਪੂਰੀ ਤਰਾਂ ਗੁਰੇਜ਼ ਕੀਤਾ ਜਾਵੇ ਤਾਂ ਕਿ ਅਸੀਂ ਸ਼ਰਧਾ ਨਾਲ ਸ਼ੁੱਧ ਵਾਤਾਵਰਨ ਵਿਚ ਭਗਵਾਨ ਸ਼੍ਰੀ ਰਾਮ ਜੀ ਦੀ ਆਮਦ ਦੀਆਂ ਖੁਸ਼ੀਆਂ ਦੀਵੇ ਬਾਲ ਕੇ ਰਵਾਇਤੀ ਢੰਗ ਨਾਲ ਮਨਾ ਸਕੀਏ। ਉਹਨਾਂ ਕਿਹਾ ਕਿ ਦੀਵਾਲੀ ਦਾ ਤਿਓਹਾਰ ਸਭਨਾਂ ਲਈ ਖੁਸ਼ੀਆਂ ਖੇੜਿਆ ਭਰਪੂਰ ਹੋਵੇ ਅਤੇ ਲੋਕ ਇਸ ਸੰਸਿਤਕ ਤਿਓਹਾਰ ਨੂੰ ਸਦਭਾਵਨਾ ਨਾਲ ਮਨਾਉਣ । ਲਿਟਲ ਮਿਲੇਨੀਅਮ ਸਕੂਲ ਅਤੇ ਗੋਲਡ ਕੋਸਟ ਕਲੱਬ ਦੇ ਡਾਇਰੈਕਟਰ ਅਨੁਜ ਗੁਪਤਾ ਨੇ ਆਖਿਆ ਕਿ ਭਾਰਤ ਤਿਓਹਾਰਾਂ ਦਾ ਦੇਸ਼ ਹੈ ਅਤੇ ਇਥੇ ਵੱਖ ਵੱਖ ਧਰਮਾਂ,ਭਾਸ਼ਾਵਾਂ ਅਤੇ ਪਹਿਰਾਵਿਆਂ ਦੇ ਲੋਕ ਰਹਿਣ ਦੇ ਬਾਵਜੂੁਦ ਵੀ ਕਈ ਤਿਓਹਾਰਾਂ ਨੂੰ ਸਾਝੇਂ ਤੌਰ ’ਤੇ ਮਨਾ ਕੇ ਖੁਸ਼ੀਆਂ ਸਾਂਝੀਆਂ ਕਰਦੇ ਹਨ । ਉਹਨਾਂ ‘ਸਾਡਾ ਮੋਗਾ ਡੌਟ ਕੌਮ ’ ਨਿਊਜ਼ ਪੋਰਟਲ ਦੇ ਜ਼ਰੀਏ ਵਿਦਿਆਰਥੀਆਂ ਨੂੰ ਅਪੀਲ ਕੀਤੀ ਪ੍ਰਦੂਸ਼ਣ ਦੇ ਮੱਦ-ਏ- ਨਜ਼ਰ  ਇਸ ਵਾਰ ਦੀਵਾਲੀ  ਨੂੰ ਗਰੀਨ ਦੀਵਾਲੀ ਵਜੋਂ ਮਨਾਉਣ । ਉਹਨਾਂ ਕਿਹਾ ਕਿ ਸਮੂਹ ਮੋਗਾ ਵਾਸੀ ਕਰੋਨਾ ਮਹਾਂਮਾਰੀ ਤੋਂ ਬਚਣ ਲਈ ਸਿਹਤ ਵਿਭਾਗ ਦੀਆਂ ਹਦਾਇਤਾਂ ਦੀ ਪਾਲਣਾ ਵੀ ਕਰਨ।