ਕੋਟਕਪੂਰਾ, 24 ਸਤੰਬਰ (ਟਿੰਕੂ) :- ਲਾਇਨਜ ਕਲੱਬ ਕੋਟਕਪੂਰਾ ਰਾਇਲ ਦੇ ਸਹੁੰ ਚੁੱਕ ਸਮਾਗਮ ਮੌਕੇ ਮੁੱਖ ਅਤੇ ਵਿਸ਼ੇਸ਼ ਮਹਿਮਾਨਾ ਦੇ ਤੌਰ ’ਤੇ ਪੁੱਜੇ ਗੋਪਾਲ ਕਿ੍ਰਸ਼ਨ ਸ਼ਰਮਾ ਵੀਡੀਜੀ-1, ਪੀਆਰ ਜੈਰਤ ਵੀਡੀਜੀ-2, ਡਾ ਐਮਐਮ ਕੌਸ਼ਲ ਅਤੇ ਆਰ ਕੇ ਮਹਿਤਾ ਪਾਸਟ ਜਿਲਾ ਗਵਰਨਰ ਸਮੇਤ ਹੋਰ ਮਹਿਮਾਨਾ ਨੂੰ ਡਾ ਸੁਨੀਲ ਛਾਬੜਾ ਨੇ ਜੀ ਆਇਆਂ ਆਖਿਆ ਜਦਕਿ ਸੁਰਜੀਤ ਸਿੰਘ ਘੁਲਿਆਣੀ ਨੇ ਕਲੱਬ ਦੀ ਸਲਾਨਾ ਰਿਪੋਰਟ ਪੇਸ਼ ਕੀਤੀ। ਮਹਿਮਾਨਾ ਵੱਲੋਂ ਕਲੱਬ ’ਚ ਨਵੇਂ ਸ਼ਾਮਲ ਹੋਏ ਚਾਰ ਮੈਂਬਰਾਂ ਨੂੰ ਸਹੁੰ ਚੁਕਾਉਣ ਦੇ ਨਾਲ-ਨਾਲ ਉਨਾ ਦੀਆਂ ਜਿੰਮੇਵਾਰੀਆਂ ਅਤੇ ਕਲੱਬ ਦੀਆਂ ਹਦਾਇਤਾਂ ਤੇ ਗਤੀਵਿਧੀਆਂ ਤੋਂ ਜਾਣੂ ਕਰਾਇਆ ਗਿਆ। ਮੈਡਮ ਹਰਪ੍ਰੀਤ ਕੌਰ ਨੇ ਪ੍ਰਾਥਨਾ ਪੜੀ ਤੇ ਪੁਰਾਣੇ ਪ੍ਰਧਾਨ ਤਰਲੋਚਨ ਸਿੰਘ ਮੱਕੜ ਨੇ ਕਾਰਵਾਈ ਸ਼ੁਰੂ ਕਰਵਾਈ। ਬੁਲਾਰਿਆਂ ਵੱਲੋਂ ਨਵੀਂ ਟੀਮ ਨੂੰ ਉਨਾ ਦੀਆਂ ਡਿਊਟੀਆਂ ਦੱਸਦੇ ਹੋਏ ਅਮਰਦੀਪ ਸਿੰਘ ਮੱਕੜ ਨੂੰ ਕਲੱਬ ਦਾ ਪ੍ਰਧਾਨ ਐਲਾਨਿਆ ਅਤੇ ਨਵੀਂ ਟੀਮ ਸਮੇਤ ਸਮੂਹ ਅਹੁਦੇਦਾਰਾਂ ਤੇ ਮੈਂਬਰਾਂ ਨੂੰ ਮੁਬਾਰਕਬਾਦ ਵੀ ਦਿੱਤੀ। ਮੁੱਖ ਮਹਿਮਾਨ ਗੋਪਾਲ ਸ਼ਰਮਾ ਨੇ ਇੰਟਰਨੈਸ਼ਨਲ ਵੱਲੋਂ ਦਿੱਤੇ ਗਏ ਪ੍ਰੋਗਰਾਮ ਅਤੇ ਪ੍ਰੋਜੈਕਟਾਂ ਬਾਰੇ ਜਾਣਕਾਰੀ ਦਿੰਦੇ ਹੋਏ ਕਲੱਬ ਨੂੰ ਇਕ ਸਥਾਈ ਪ੍ਰੋਜੈਕਟ ਲਾਉਣ ਬਾਰੇ ਆਖਿਆ। ਉਨਾ ਕਿਹਾ ਕਿ ਜੇਕਰ ਇੱਥੋਂ ਦੀ ਟੀਮ ਕੈਂਸਰ ਦੇ ਹਸਪਤਾਲ ਦੀ ਤਰਾਂ ਕੋਈ ਵੀ ਵੱਡਾ ਪ੍ਰੋਜੈਕਟ ਲਾਉਣ ਦਾ ਉਪਰਾਲਾ ਕਰੇਗੀ ਤਾਂ 75 ਫੀਸਦੀ ਯੋਗਦਾਨ ਇੰਟਰਨੈਸ਼ਨਲ ਦੇਵੇਗਾ। ਉਨਾ ਕਲੱਬ ਦੀ ਮੈਂਬਰਸ਼ਿਪ ’ਚ ਹੋਰ ਵਾਧਾ ਕਰਨ ਦੀ ਵੀ ਹਦਾਇਤ ਕੀਤੀ। ਰਾਜੀਵ ਅਰੋੜਾ ਇੰਚਾਰਜ ਰਿਪੋਰਟਾਂ ਸਮੇਤ ਗੁਰਿੰਦਰ ਸਿੰਘ ਮਹਿੰੰਦੀਰੱਤਾ ਪ੍ਰਧਾਨ ਪੈ੍ਰਸ ਕਲੱਬ ਤੋਂ ਇਲਾਵਾ ਕਲੱਬ ਦੇ ਮੈਂਬਰ ਸਮੇਤ ਪਰਿਵਾਰ ਵੱਡੀ ਗਿਣਤੀ ’ਚ ਹਾਜਰ ਹੋਏ। ਅੰਤ ’ਚ ਆਏ ਹੋਏ ਲਾਇਨਜ ਲੀਡਰਾਂ ਅਤੇ ਮੈਂਬਰ ਦਾ ਮਨਜੀਤ ਸਿੰਘ ਲਵਲੀ ਵੱਲੋਂ ਧੰਨਵਾਦ ਕੀਤਾ ਗਿਆ। ਇਸ ਮੌਕੇ ਉਪਰੋਕਤ ਤੋਂ ਇਲਾਵਾ ਨੰਬਰਦਾਰ ਸੁਖਵਿੰਦਰ ਸਿੰਘ ਪੱਪੂ, ਹਰਿੰਦਰ ਸਿੰਘ ਚੋਟਮੁਰਾਦਾ, ਵਿਜੈ ਝਾਂਜੀ, ਰਮੇਸ਼ ਗੁਲਾਟੀ, ਕਿਸ਼ਨ ਬਿੱਲਾ, ਅਸ਼ਵਨੀ ਕਾਲੜਾ ਆਦਿ ਵੀ ਹਾਜਰ ਸਨ।