ਮੋਗਾ ,23 ਸਤੰਬਰ (ਜਸ਼ਨ): ਗੁਰਦੁਆਰਾ ਗੁਰੂ ਨਾਨਕ ਦਰਬਾਰ ਨਾਨਕਸਰ ਠਾਠ ਮੰਡੀਰਾਂ ਵਾਲਾ ਨਵਾਂ ਵਿਖੇ ਮੁੱਖ ਸੇਵਾਦਾਰ ਸੰਤ ਬਾਬਾ ਬਲਦੇਵ ਸਿੰਘ ਜੀ ਵੱਲੋਂ ਸ਼ਰਧਾਲੂ ਸੰਗਤਾਂ ਦੇ ਸਹਿਯੋਗ ਨਾਲ ਅਤੇ ਮੁੱਖ ਪ੍ਰਬੰਧਕ ਭਾਈ ਹਰਪ੍ਰੀਤ ਸਿੰਘ ਡੋਨੀ ਚੜਿੱਕ ਦੀ ਦੇਖ-ਰੇਖ ਹੇਠ ਧੰਨ-ਧੰਨ ਬਾਬਾ ਨੰਦ ਸਿੰਘ ਜੀ ਕਲੇਰਾਂ ਵਾਲੇ ਮਹਾਂਪੁਰਖਾਂ ਦੀ ਮਿੱਠੀ ਯਾਦ ਨੂੰ ਸਮਰਪਿਤ ਕਰਕੇ ਸਲਾਨਾ ਬਰਸੀ ਸਮਾਗਮ ਕਰਵਾਇਆ ਜਾ ਰਿਹਾ ਹੈ।ਇਸ ਸਮਾਗਮ ਦੇ ਦੂਸਰੇ ਦਿਨ ਸੰਗਤਾਂ ਦੁਆਰਾ ਪ੍ਰਕਾਸ਼ ਕਰਵਾਏ ਹੋਏ 61 ਸ਼੍ਰੀ ਅਖੰਡ ਪਾਠਾਂ ਦੇ ਭੋਗ ਪਾਏ ਗਏ ਉਪਰੰਤ ਹਜੂਰੀ ਰਾਗੀ ਭਾਈ ਗੁਰਚਰਨ ਸਿੰਘ ਰਸੀਲਾ, ਭਾਈ ਮਨਿੰਦਰਪਾਲ ਸਿੰਘ ਹਜੂਰੀ ਰਾਗੀ ਸ਼੍ਰੀ ਦਰਬਾਰ ਸਾਹਿਬ ਅਤੇ ਹੋਰਨਾਂ ਰਾਗੀ ਜੱਥਿਆਂ ਵੱਲੋਂ ਰੱਬੀ ਬਾਣੀ ਦਾ ਅੰਮਿ੍ਰਤਮਈ ਕੀਰਤਨ ਕਰਕੇ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ।ਇਸ ਮੌਕੇ ਸਜਾਏ ਹੋਏ ਧਾਰਮਿਕ ਦੀਵਾਨ ਵਿੱਚ ਮੁੱਖ ਸੇਵਾਦਾਰ ਸੰਤ ਬਾਬਾ ਬਲਦੇਵ ਸਿੰਘ ਜੀ ਅਤੇ ਹੋਰਨਾਂ ਮਹਾਂਪੁਰਖਾਂ ਨੇ ਸੰਗਤਾਂ ਨਾਲ ਗੁਰਮਤਿ ਵਿਚਾਰਾਂ ਦੀ ਸਾਂਝ ਪਾਈ।ਸੰਤ ਬਾਬਾ ਬਲਦੇਵ ਸਿੰਘ ਜੀ ਨੇ ਸੰਗਤਾਂ ਨੂੰ ਪ੍ਰਵਚਨਾਂ ਰਾਹੀਂ ਨਿਹਾਲ ਕਰਦਿਆ ਕਿਹਾ ਕਿ ਸਾਨੂੰ ਗੁਰੂਆ ਦੇ ਦਰਸਾਏ ਮਾਰਗ ਚੱਲਣਾ ਚਾਹੀਦਾ ਹੈ ਅਤੇ ਬਾਣੀ ਤੇ ਬਾਣੇ ਵਿੱਚ ਪ੍ਰਪੱਕ ਹੋਣਾ ਚਾਹੀਦਾ ਹੈ,ਸਾਨੂੰ ਆਪਣੇ ਗੁਰੂਆ ਦੇ ਦਿਹਾੜੇ ਇੱਕਜੁੱਟ ਹੋ ਕੇ ਸ਼ਰਧਾਪੂਰਵਕ ਮਨਾਉਣੇ ਚਾਹੀਦੇ ਹਨ ਤਾਂ ਹੀਂ ਅਸੀਂ ਗੁਰੂਆ ਦੇ ਦਰ ਘਰ ਤੋਂ ਲੋਕ ਪ੍ਰਲੋਕ ਦੀਆਂ ਖੁਸ਼ੀਆਂ ਦੀ ਪ੍ਰਾਪਤੀ ਕਰ ਸਕਦੇ ਹਾਂ।ਇਸ ਮੌਕੇ ਭਾਈ ਸਾਧੂ ਸਿੰਘ ਧੰਮੂ ਅਤੇ ਹੋਰਨਾਂ ਢਾਡੀ ਜੱਥਿਆ ਵੱਲੋਂ ਸੰਗਤਾਂ ਨੂੰ ਗੁਰ-ਇਤਿਹਾਸ ਸੁਣਾ ਕੇ ਨਿਹਾਲ ਕੀਤਾ ਗਿਆ।ਇਸ ਮੌਕੇ ਸੰਤ ਬਾਬਾ ਬਲਦੇਵ ਸਿੰਘ ਅਤੇ ਭਾਈ ਹਰਪ੍ਰੀਤ ਸਿੰਘ ਡੋਨੀ ਨੇ ਗੁਰੂ ਘਰ ਵੱਲੋਂ ਸਹਿਯੋਗੀ ਸ਼ਖਸ਼ੀਅਤਾਂ ਨੂੰ ਸਿਰੋਪਾਓ ਭੇਂਟ ਕਰਕੇ ਸਨਮਾਨਿਤ ਕੀਤਾ।ਸੰਗਤਾਂ ਲਈ ਲੱਡੂ,ਪਕੋੜੇ,ਜਲੇਬੀਆਂ ਦਾ ਭੰਡਾਰਾ ਅਤੇ ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਗਿਆ।ਵਰ੍ਹਦੇ ਮੀਂਹ ਵਿੱਚ ਵੀ ਦੇਸ਼-ਵਿਦੇਸ਼ ਤੋਂ ਪੱੁਜੀਆਂ ਸੰਗਤਾਂ ਵੱਲੋਂ ਹਾਜਰੀਆਂ ਭਰ ਕੇ ਆਪਣਾ ਜੀਵਨ ਸਫਲਾ ਕੀਤਾ ਜਾ ਰਿਹਾ ਹੈ।ਇਸ ਮੌਕੇ ਮੁੱਖ ਸੇਵਾਦਾਰ ਸੰਤ ਬਾਬਾ ਗੁਰਦੀਪ ਸਿੰਘ ਚੰਦਾਂ ਵਾਲੇ,ਸੰਤ ਗੁਰਨਾਮ ਸਿੰਘ ਡਰੋਲੀ ਭਾਈ,ਸੰਤ ਅਰਵਿੰਦਰ ਸਿੰਘ ਨਾਨਕਸਰ ਕਲੇਰਾਂ ਵਾਲੇ,ਸੰਤ ਗੁਰਮੀਤ ਸਿੰਘ ਖੋਸਾ ਕੋਟਲਾ,ਸੰਤ ਇੰਦਰਪਾਲ ਸਿੰਘ ਨਾਨਕਸਰ ਦੇਵੀ ਵਾਲੇ,ਸੰਤ ਸ਼ੁੱਧ ਸਿੰਘ ਟੁੱਸਿਆ ਵਾਲੇ,ਸੰਤ ਹਰਵਿੰਦਰ ਸਿੰਘ ਖਾਲਸਾ ਰੌਲੀ,ਸੰਤ ਪਵਨਦੀਪ ਸਿੰਘ ਕੰਡਿਆਲ,ਸੰਤ ਮਲਕੀਤ ਦਾਸ ਗਊਸ਼ਾਲਾ ਬੀੜ ਸਿੱਖਾਂ ਵਾਲਾ,ਸੰਤ ਸੁਰਜੀਤ ਸਿੰਘ ਮਹਿਰੋ,ਸੰਤ ਪ੍ਰਦੀਪ ਸਿੰਘ ਆਕਲੀਆ,ਸੰਤ ਬਾਬਾ ਜਸਪਾਲ ਸਿੰਘ ਲੱਲਿਆ ਵਾਲੇ,ਸੰਤ ਜਗਰੂਪ ਸਿੰਘ ਭੋਰਾ ਸਾਹਿਬ ਵਾਲੇ,ਸੰਤ ਅਮੀਰ ਸਿੰਘ,ਭਾਈ ਇਕਬਾਲ ਸਿੰਘ,ਭਾਈ ਜਸਪ੍ਰੀਤ ਸਿੰਘ ਨਾਨਕਸਰ ਵਾਲੇ,ਭਾਈ ਅਮਰਜੀਤ ਸਿੰਘ ਗਾਲਿਬ ਕਲਾਂ,ਭਾਈ ਗੁਰਦੀਪ ਸਿੰਘ,ਸੂਫੀ ਸੰਤ ਹੈਦਰ ਕਾਦਰੀ,ਬਾਬਾ ਗੁਰਦੇਵ ਸਿੰਘ,ਵਿਧਾਇਕ ਡਾ:ਹਰਜੋਤ ਕਮਲ ਮੋਗਾ,ਸਾਬਕਾ ਸਰਪੰਚ ਇਕੱਤਰ ਸਿੰਘ ਸੰਧੂ ਮੰਡੀਰਾਂ ਵਾਲਾ ਨਵਾਂ,ਮੁਖਤਿਆਰ ਸਿੰਘ ਡੀਪੂ ਵਾਲਾ,ਕੇਵਲ ਸਿੰਘ ਸਾਫੂਵਾਲਾ,ਡਾ:ਹਰਦੀਪ ਸਿੰਘ ਜੀਰਾ,ਬਲਵੰਤ ਸਿੰਘ ਬਾਘਾ ਪੁਰਾਣਾ,ਤਰਸੇਮ ਸਿੰਘ ਬਾਘਾ ਪੁਰਾਣਾ,ਕੁਲਦੀਪ ਸਿੰਘ ਹੈਪੀ,ਮਨਪ੍ਰੀਤ ਸ਼ਰਮਾਂ,ਲਵਲੀ ਸ਼ਰਮਾਂ,ਡਾ:ਬਲਵੀਰ ਸਿੰਘ,ਅਮਰਜੀਤ ਸਿੰਘ ਬਾਘਾ ਪੁਰਾਣਾ,ਤਰਸੇਮ ਸਿੰਘ ਚੜਿੱਕ,ਰਾਜ ਸਿੰਘ ਝੰਡੇਆਣਾ,ਜਸਪਾਲ ਸਿੰਘ ਮਹਿਰੋ,ਬਲਵੀਰ ਸਿੰਘ ਕੁੱਕੂ,ਨਿਰਮਲ ਸਿੰਘ ਮੰਡੀਰਾਂ ਵਾਲਾ,ਅਵਤਾਰ ਸਿੰਘ ਲੰਗੇਆਣਾ,ਪੰਚ ਮਨਜੀਤ ਸਿੰਘ ਮੰਡੀਰਾਂ ਵਾਲਾ ਸਮੇਤ ਦੇਸ਼-ਵਿਦੇਸ਼ ਤੋਂ ਪੱੁਜੀਆ ਸੰਗਤਾਂ ਨੇ ਇਸ ਸਮਾਗਮ ਵਿੱਚ ਹਾਜਰੀਆਂ ਭਰੀਆ।