ਮੋਗਾ,19 ਅਕਤੂਬਰ (ਜਸ਼ਨ)-ਦੀਵਾਲੀ ਦੇ ਸ਼ੁੱਭ ਮੌਕੇ ’ਤੇ ਵਿਧਾਇਕ ਸੁਖਜੀਤ ਸਿੰਘ ਕਾਕਾ ਲੋਹਗੜ ਨੇ ਸਮੂਹ ਪੰਜਾਬੀਆਂ ਨੂੰ ਦੀਵਾਲੀ ਦੇ ਤਿਓਹਾਰ ਦੀਆਂ ਮੁਬਾਰਕਾਂ ਦਿੰਦਿਆਂ ਆਖਿਆ ਕਿ ਦੀਵਾਲੀ ਸਦੀਆਂ ਤੋਂ ਮਨਾਇਆ ਜਾਣ ਵਾਲਾ ਸਮੂਹ ਭਾਰਤੀਆਂ ਦਾ ਸਾਝਾਂ ਤਿਓਹਾਰ ਹੈ ਜੋ ਮਨਾਂ ਨੂੰ ਰੌਸ਼ਨ ਕਰਨ ਅਤੇ ਸਮਾਜ ਵਿਚ ਆਪਸੀ ਸਾਂਝ ਤੇ ਭਾਈਚਾਰੇ ਦਾ ਸੰਦੇਸ਼ ਦਿੰਦਾ ਹੈ। ਉਹਨਾਂ ਕਿਹਾ ਕਿ ਪੰਜਾਬ ਲਈ ਇਸ ਵਾਰ ਦੀ ਦੀਵਾਲੀ ਬੇਹੱਦ ਮਹੱਤਵਪੂਰਨ ਹੈ ਕਿਉਂਕਿ ਪਿਛਲੇ 10 ਸਾਲ ਦੇ ਕਾਲੀ ਬੋਲੀ ਮੱਸਿਆ ਵਰਗੇ ਰਾਜ ਤੋਂ ਬਾਅਦ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਿਚ ਕਾਂਗਰਸ ਦੇ ਸੱਤਾ ਵਿਚ ਆਉਣ ’ਤੇ ਸੂਬੇ ਵਿਚ ਰੌਸ਼ਨੀਆਂ ਵਰਗਾ ਮਾਹੌਲ ਬਣਿਆ ਹੈ ਜਦੋਂ ਕਾਲੀ ਬੋਲੀ ਰਾਤ ਦੇ ਖਾਤਮੇਂ ਉਪਰੰਤ ਲੋਕ ਹੁਣ ਖੁਸ਼ੀ ਮਨਾ ਰਹੇ ਹਨ ਵਿਸ਼ੇਸ਼ਕਰ ਕਿਸਾਨਾਂ ਨੂੰ ਮੰਡੀਆਂ ਵਿਚ ਰੁਲਣਾ ਨਹੀਂ ਪੈ ਰਿਹਾ ਅਤੇ ਉਹ ਆਪਣੇ ਪਰਿਵਾਰਾਂ ਵਿਚ ਬੈਠ ਕੇ ਦੀਵਾਲੀ ਮਨਾ ਰਹੇ ਹਨ।  ਉਹਨਾਂ ਆਖਿਆ ਕਿ ਲੋਕਾਂ ਵੱਲੋਂ ਮਿਲੇ ਇਤਿਹਾਸਕ ਹੁੰਗਾਰੇ ਸਦਕਾ ਗੁਰਦਾਸਪੁਰ ਤੋਂ ਸੁਨੀਲ ਜਾਖੜ ਦੀ ਜਿੱਤ ਕਾਰਨ ਦੀਵਾਲੀ ਦੀਆਂ ਖੁਸ਼ੀਆਂ ਦੂਣ ਸਵਾਈਆਂ ਹੋ ਗਈਆਂ ਹਨ ।