ਮੋਗਾ,19 ਅਕਤੂਬਰ (ਜਸ਼ਨ)-ਦੀਵਾਲੀ ਦੇ ਸ਼ੁੱਭ ਮੌਕੇ ’ਤੇ ਰਵਿੰਦਰ ਸਿੰਘ ਐਡਵੋਕੇਟ ਰਵੀ ਗਰੇਵਾਲ ਸਕੱਤਰ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਨੇ ਸਮੂਹ ਪੰਜਾਬੀਆਂ ਨੂੰ ਦੀਵਾਲੀ ਦੀਆਂ ਮੁਬਾਰਕਾਂ ਦਿੰੰਦਿਆਂ ਆਖਿਆ ਕਿ ਦੀਵਾਲੀ ਆਸਥਾ ਅਤੇ ਵਿਗਿਆਨ ਦਾ ਸੁਮੇਲ ਹੈ । ਰਵੀ ਗਰੇਵਾਲ ਨੇ ਆਖਿਆ ਕਿ ਬੇਸ਼ੱਕ ਅਸੀਂ ਨਿੱਕੇ ਦੀਵੇ ਤੋਂ ਲੈ ਕੇ ਰੌਸ਼ਨੀ ਦੇ ਚਕਾਚੌਂਧ ਕਰਨ ਵਾਲੇ ਸਾਧਨਾਂ ਤੱਕ ਦਾ ਸਫਰ ਤੈਅ ਕਰ ਲਿਆ ਹੈ ਪਰ ਸਾਡੇ ਮਨਾਂ ਦੇ ਹਨੇਰੇ ਅਜੇ ਵੀ ਮੱਸਿਆ ਦੀ ਕਾਲੀ ਬੋਲੀ ਰਾਤ ਦੇ ਹਨੇਰਿਆਂ ਕਾਰਨ ਮਨੁੱਖਤਾ ਪ੍ਰਤੀ ਸੇਵਾ ਭਾਵਨਾ ਤੋਂ ਸਾਨੂੰ ਮਹਿਰੂਮ ਕਰ ਰਹੇ ਹਨ ,ਇਸ ਲਈ ਸਾਨੂੰ ਅੱਜ ਦੇ ਦਿਨ ਸਾਰਥਕ ਸੋਚ ਅਪਣਾਉਂਦਿਆਂ ਸਾਦਗੀ ਅਤੇ ਮਿਲਵਰਤਨ ਨਾਲ ਖੁਸ਼ੀਆਂ ਸਾਂਝੀਆਂ ਕਰਦਿਆਂ ਗਰੀਬੀ ਦੀ ਦਲਦਲ ਵਿਚ ਫਸੇ ਲੋਕਾਂ ਨੂੰ ਗੁਰਬੱਤ ਭਰਪੂਰ ਜੀਵਨ ਤੋਂ ਰਾਹਤ ਦਿਵਾਉਣ ਲਈ ਯਤਨ ਆਰੰਭਣੇ ਚਾਹੀਦੇ ਹਨ ।