ਮੋਗਾ,19 ਅਕਤੂਬਰ (ਜਸ਼ਨ)-ਦੀਵਾਲੀ ਦੇ ਸ਼ੁੱਭ ਮੌਕੇ ’ਤੇ ਗੋਲਡ ਕੋਸਟ ਕਲੱਬ ਦੇ ਐੱਮ ਡੀ ਅਤੇ ਮਾੳੂਂਟ ਲਿਟਰਾ ਜ਼ੀ ਸਕੂਲ ਦੇ ਡਾਇਰੈਕਟਰ ਅਨੁਜ ਗੁਪਤਾ ਨੇ ਸਮੂਹ ਪੰਜਾਬੀਆਂ ਨੂੰ  ਦੀਵਾਲੀ ਦੀਆਂ ਸ਼ੁੱਭ ਕਾਮਨਾਵਾਂ ਭੇਂਟ ਕਰਦਿਆਂ ਆਖਿਆ ਕਿ ਦੀਵਾਲੀ ਸਮੂਹ ਭਾਰਤੀਆਂ ਦਾ ਸਾਝਾਂ ਤਿਓਹਾਰ ਹੈ ਅਤੇ ਜਦੋਂ ਹੁਣ ਇਹ ਤਿਓਹਾਰ ਆਲਮੀ ਪੱਧਰ ’ਤੇ ਮਨਾਇਆ ਜਾਣ ਲੱਗਿਆ ਹੈ ਤਾਂ ਅਜਿਹੇ ਸਮੇਂ ਵਿਚ ਭਾਰਤ ਨੂੰ ਅਗਲੀ ਸਦੀ ਵਿਚ ਵਿਸ਼ਵ ਦੀ ਸਭ ਤੋਂ ਵੱਡੀ ਤਾਕਤ ਬਣਾਉਣ ਵਿਚ ਯੋਗਦਾਨ ਪਾਉਣ ਲਈ ਸਾਨੂੰ ਵਿੱਦਿਆ ਅਤੇ ਸਵੱਛਤਾ ਦੇ ਦੀਵ ਜਗਾਉਣ ਦੀ ਲੋੜ ਹੈ। ਲਿਟਲ ਮਿਲੇਨੀਅਮ ਸਕੂਲ ਡਾਇਰੈਕਟਰ ਅਨੁਜ ਗੁਪਤਾ ਨੇ ਆਖਿਆ ਕਿ ਹਰ ਘਰ ਅਤੇ ਹਰ ਮਨ ਵਿਚ ਸਿੱਖਿਆ ਦੇ ਦੀਵੇ ਬਾਲਦਿਆਂ ਅਸੀਂ ਨਵੇਂ ਅਤੇ ਉਸਾਰੂ ਸਮਾਜ ਦੀ ਸਿਰਜਣਾ ਕਰ ਸਕਦੇ ਹਾਂ ।