ਨਿਹਾਲ ਸਿੰਘ ਵਾਲਾ,13 ਅਕਤੂਬਰ(ਤੇਜਿੰਦਰ ਸਿੰਘ ਜਸ਼ਨ) - ਰਾਜਵਿੰਦਰ ਰੌਂਤਾ ਦਾ ਨਵਾਂ ਗੀਤ ‘ਖੁਦਕੁਸ਼ੀਆਂ ਨਾ ਕਰ...’ ਜਲਦੀ ਹੀ ਲੋਕਾਂ ਦੀ ਕਚਿਹਰੀ ਵਿਚ ਪੇਸ਼ ਹੋਵੇਗਾ। ਦਰਅਸਲ ਲੇਖਕ ਅਤੇ ਪੱਤਰਕਾਰ ਰਾਜਵਿੰਦਰ ਰੌਂਤਾ ਦਾ ਗੀਤ ‘ਖੁਦਕੁਸ਼ੀਆਂ ਨਾ ਕਰ...’ ਪੰਜਾਬ ’ਚ ਕਿਸਾਨਾਂ ਦੀ ਤਰਾਸਦੀ ਦੀ ਤਸਵੀਰ ਪੇਸ਼ ਕਰਦਾ ਹੈ । ਰਾਜਵਿੰਦਰ ਰੌਂਤਾ ਨੇ ਆਪਣੇ ਇਸ ਨਵੇਂ ਗੀਤ ਸਬੰਧੀ ‘ਸਾਡਾ ਮੋਗਾ ਡੌਟ ਕੌਮ ’ ਨਿੳੂਜ਼ ਪੋਰਟਲ ਦੇ ਪ੍ਰਤੀਨਿੱਧ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ, ਖੁਦਕੁਸ਼ੀਆਂ ਨਾ ਕਰ ...ਗੀਤ ਉਸ ਦਾ ਆਪਣਾ ਲਿਖਿਆ ਤੇ ਗਾਇਆ ਹੈ ਅਤੇ ਗੋਬਿੰਦ ਸਮਾਲਸਰ ਨੇ ਸੰਗੀਤਬੱਧ ਕੀਤਾ ਹੈ । ਡੇਢ ਦਰਜਨ ਤੋਂ ਵੱਧ ਲਘੂ ਫਿਲਮਾਂ ਅਤੇ ਦਰਜਨ ਕਰੀਬ ਰਿਕਾਰਡ ਗੀਤਾਂ ਦੇ ਰਚੇਤਾ ਤੇ ਨਾਮਵਰ ਸਾਹਿਤਕਾਰ ਰਾਜਵਿੰਦਰ ਰੌਂਤਾ ਨੇ ਦੱਸਿਆ ਕਿ ਇਹ ਗੀਤ ਕਿਸਾਨ ਭਰਾਵਾਂ ਦੀ ਅਣਹੋਣੀ ਨੂੰ ਰੋਕਣ ਲਈ ਇੱਕ ਸੁਨੇਹਾ ਹੈ। ਰੌਂਤਾ ਨੇ ਕਿਹਾ ਕਿ ਜਲਦ ਹੀ ਇਸ ਗੀਤ ਦਾ ਫਿਲਮਾਂਕਣ ਕੀਤਾ ਜਾ ਰਿਹਾ ਹੈ। ਇਸ ਮੌਕੇ ਉਹਨਾਂ ਨਾਲ ਮਨਿੰਦਰ ਮੋਗਾ,ਪਰਮਜੀਤ ਦਹੇਲੇ,ਪਾਲ ਸਿੰਘ ਸਿੱਧੂ,ਬੱਬੀ ਪੱਤੋ,ਜਗਸੋਹਣ ਸਿੰਘ,ਹਰਵਿੰਦਰ ਦਹੇਲੇ ,ਅੰਮਿ੍ਰਤ ਸ਼ਰਮਾ,ਨਿਰਮਲ ਸਿੰਘ ਮੀਨੀਆਂ,ਸੁਖ ਲੱਧੜ,ਬਲਜੀਤ ਅਟਵਾਲ,ਗਗਨਦੀਪ ਰੌਂਤਾ,ਗੁਰਮੇਲ ਦੌਲਤਪੁਰਾ,ਸਰਗਮਦੀਪ ਆਦਿ ਮੌਜੂਦ ਸਨ।