ਨਿਹਾਲ ਸਿੰਘ ਵਾਲਾ,ਮੋਗਾ 8 ਅਕਤੂਬਰ(ਰਾਜਵਿੰਦਰ ਰੌਂਤਾ)-ਬਿਜਲੀ ਵਿਭਾਗ ਦੇ ਜੇ ਈ,ਮੁਲਾਜ਼ਮਾਂ ਅਧਿਕਾਰੀਆਂ ਵੱਲੋਂ ਪੰਜਾਬ ਰਾਜ ਬਿਜਲੀ ਬੋਰਣ ਦੇ ਚੀਫ਼ ਇੰਜਨੀਅਰ ਤੇ ਮੋਗਾ ਜ਼ਿਲ੍ਹੇ ਦੇ ਜੰਮਪਲ ਮਹਿੰਦਰ ਸਿੰਘ ਬਰਾੜ ਨੂੰ ਵਿਦਾਇਗੀ ਪਾਰਟੀ ਦਿੱਤੀ ਗਈ।  ਮੋਗਾ ਫਿਰੋਜ਼ਪੁਰ ਰੋਡ ’ਤੇ ਸਥਿਤ ਗੋਲਡ ਕੋਸਟ ਮੋਗਾ ਵਿਖੇ ਚੀਫ਼ ਇੰਜਨੀਅਰ ਮਹਿੰਦਰ ਸਿੰਘ ਬਰਾੜ ਨੂੰ ਦਿੱਤੀ ਵਿਦਾਇਗੀ ਪਾਰਟੀ ਮੌਕੇ ਜੇ ਈ ਗੁਰਮੀਤ ਸਿੰਘ ਸਿੱਧੂ ,ਐਸ ਡੀ ਓ ਭੁਪਿੰਦਰ ਸਿੰਘ,ਜੇ ਈ ਭਰਪੂਰ ਸਿੰਘ ,ਵਿਜੇ ਸਿੰਘ ਅਤੇ ਪਿਆਰਾ ਸਿੰਘ ਤੋਂ ਇਲਾਵਾ ਵਿਭਾਗ ਦੇ ਮੁਲਾਜ਼ਮ ਹਾਜ਼ਰ ਸਨ । ਇਸ ਮੌਕੇ ਵੱਖ ਵੱਖ ਬੁਲਾਰਿਆਂ ਨੇ ਸੰਬੋਧਨ ਕਰਦਿਆਂ ਆਖਿਆ ਕਿ ਜਿੱਥੇ ਵਿਭਾਗ ਨੂੰ ਚੀਫ਼ ਇੰਜਨੀਅਰ ਮਹਿੰਦਰ ਸਿੰਘ ਦੀ ਵਿਸ਼ੇਸ਼ ਦੇਣ ਹੈ ਉੱਥੇ ਉਹਨਾਂ ਦੀ ਯੋਗ ਅਗਵਾਈ ਵਿਚ ਕੰਮ ਕਰਕੇ ਉਹਨਾਂ ਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ । ਉਹਨਾਂ ਕਿਹਾ ਕਿ ਮਹਿੰਦਰ ਸਿੰਘ ਦੇ ਜ਼ਿਲ੍ਹੇ ਪ੍ਰਤੀ ਮੋਹ ਤੇ ਚੰਗੀ ਸਖਸ਼ੀਅਤ ਹੋਣ ਕਰਕੇ ਮੋਗਾ ਜ਼ਿਲੇ ਦੇ ਲੋਕਾਂ ਤੇ ਖਾਸ ਕਰਕੇ ਕਿਸਾਨਾਂ ਲਈ ਬੜੇ ਵੱਡੇ ਕੰਮ ਹੋਏ ਹਨ। ਇਸ ਸਮੇਂ ਰਾਜਵਿੰਦਰ ਸਿੰਘ,ਚਮਕੌਰ ਸਿੰਘ,ਬਲਜੀਤ ਸਿੰਘ,ਹਰਪ੍ਰੀਤ ਸਿੰਘ,ਜੁਗਿੰਦਰ ਸਿੰਘ ਆਦਿ ਮੌਜੂਦ ਸਨ। ਇਸ ਮੌਕੇ ਮਹਿੰਦਰ ਸਿੰਘ ਬਰਾੜ ਨੇ ਬਿਜਲੀ ਵਿਭਾਗ ਦੇ ਮੁਲਾਜ਼ਮਾਂ ਅਧਿਕਾਰੀਆਂ ਦਾ ਧੰਨਵਾਦ ਕਰਦਿਆਂ ਕਿਹਾ ਮੈਂ ਤਾਂ ਵਿਭਾਗ ਪ੍ਰਤੀ ਇਮਾਨਦਾਰੀ ਵਰਤ ਕੇ ਅਤੇ ਲੋਕਾਂ ਦੇ ਕੰਮ ਸਮਰਪਿਤ ਹੋ ਕੇ ਕੀਤੇ ਹਨ ਕਿਉਂਕਿ ਆਪਣਾ ਜ਼ਿਲ੍ਹਾ ਤੇ ਲੋਕ ਵਾਕਿਆ ਹੀ ਵੱਧ ਪਿਆਰੇ ਹੁੰਦੇ ਨੇ।