ਮੋਗਾ, 20 ਮਾਰਚ (ਜਸ਼ਨ)-ਆੜ੍ਹਤੀ ਐਸੋਸੀਏਸ਼ਨ ਦੀ ਜਨਰਲ ਮੀਟਿੰਗ ਪ੍ਰਧਾਨ ਪ੍ਰਭਜੀਤ ਸਿੰਘ ਕਾਲਾ ਦੀ ਪ੍ਰਧਾਨਗੀ ਹੇਠ ਆੜ੍ਹਤੀ ਐਸੋਸੀਏਸ਼ਨ ਦੇ ਦਫਤਰ ਵਿਖੇ ਹੋਈ | ਮੀਟਿੰਗ ਨਿਵਚ ਨਵੇਂ ਪ੍ਰਧਾਨ ਦੀ ਚੋਣ ਵਾਸਤੇ ਵਿਚਾਰ ਵਟਾਂਦਰਾ ਕੀਤਾ ਗਿਆ, ਜੋ ਕਿ ਹਰ ਦੋ ਸਾਲ ਬਾਅਦ ਪ੍ਰਧਾਨਗੀ ਦੀ ਚੋਣ ਹੁੰਦੀ ਹੈ | ਇਸ ਮੀਟਿੰਗ ਵਿਚ ਵਿਚਾਰ ਕਰਨ ਤੋਂ ਬਾਅਦ ਸਮਾਜ ਸੇਵੀ ਸਮੀਰ ਜੈਨ ਨੂੰ  ਪ੍ਰਧਾਨ ਤੇ ਅੰਗ੍ਰੇਜ ਸਿੰਘ ਸਮਰਾ ਨੂੰ  ਚੇਅਰਮੈਨ ਨਿਯੁਕਤ ਕੀਤਾ ਗਿਆ | ਇਸ਼ ਮੌਕੇ ਹਲਕਾ ਮੋਗਾ ਦੀ ਵਿਧਾਇਕਾ ਡਾ.ਅਮਨਦੀਪ ਕੌਰ ਅਰੋੜਾ ਤੇ ਉਨ੍ਹਾਂ ਦੇ ਪਤੀ ਡਾ.ਰਾਕੇਸ਼ ਅਰੋੜਾ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਤੇ ਉਨ੍ਹਾਂ ਦੀ ਹਾਜ਼ਰੀ ਵਿਚ ਪ੍ਰਧਾਨ ਪ੍ਰਧਾਨ ਪ੍ਰਭਜੀਤ ਸਿੰਘ ਕਾਲਾ ਨੇ ਸਮੀਰ ਜੈਨ ਨੂੰ  ਆੜ੍ਹਤੀ ਐਸੋਸੀਏਸ਼ਨ ਮੋਗਾ ਦੀ ਪ੍ਰਧਾਨਗੀ ਦੀ ਕਮਾਨ ਸੌਂਪੀ | ਇਸ ਮੌਕੇ ਤੇ ਵਿਧਾਇਕਾ ਡਾ. ਅਮਨਦੀਪ ਕੌਰ ਅਰੋੜਾ  ਨੇ ਨਵੇਂ ਚੁਣੇ ਗਏ ਪ੍ਰਧਾਨ ਸਮੀਰ ਜੈਨ ਤੇ ਉਨ੍ਹਾਂ ਦੀ ਟੀਮ ਨੂੰ  ਵਧਾਈ ਦਿੱਤੀ ਅਤੇ ਹਾਰ ਪਾ ਕੇ ਸਨਮਾਨਤ ਕੀਤਾ ਤੇ ਵਿਧਾਇਕਾ ਡਾ. ਅਮਨਦੀਪ ਕੌਰ ਅਰੋੜਾ ਨੇ ਆਪਣੇ ਵੱਲੋਂ ਵਿਸ਼ਵਾਸ ਦਿਲਾਇਆ ਕਿ ਆਉਣ ਵਾਲੇ ਸਮੇਂ ਵਿਚ ਆੜ੍ਹਤੀ ਵਰਗ ਨੂੰ  ਕਿਸੇ ਤਰ੍ਹਾਂ ਦੀ ਮੁਸ਼ਕਿਲ ਨਹੀਂ ਆਉਣ ਦਿੱਤੀ ਜਾਵੇਗੀ | ਇਸ਼ ਮੌਕੇ ਨਵਨਿਯੁਕਤ ਪ੍ਰਧਾਨ ਸਮੀਰ ਜੈਨ ਤੇ ਚੇਅਰਮੈਨ ਅੰਗ੍ਰੇਜ ਸਿੰਘ ਸਮਰਾ ਸਰਪੰਚ ਨੇ ਵਿਸ਼ਵਾਸ ਦੁਆਇਆ ਕਿ ਉਹ ਆਪਣੀ ਜੁੰਮੇਵਾਰੀ ਨੂੰ ਤਨਦੇਹੀ ਨਾਲ ਨਿਭਾਉਗਾ ਤੇ ਆੜ੍ਹਤੀ ਐਸੋਸੀਏਸ਼ਨ ਦੇ ਕਿਸੇ ਵੀ ਮੈਂਬਰ ਨੂੰ  ਮੇਰੀ ਲੋੜ ਹੋਵੇਗੀ ਤਾਂ ਉਹ 24 ਘੰਟੇ ਹਾਜ਼ਰ ਹੋਣਗੇ | ਇਸ ਮੌਕੇ ਤੇ ਸੱਕਤਰ ਦੀਪਕ ਤਾਇਲ ਤੇ ਚੇਅਰਮੈਨ ਰਣਬੀਰ ਸਿੰਘ ਲਾਲੀ ਨੇ ਹਲਕਾ ਵਿਧਾਇਕਾ ਡਾ. ਅਮਨਦੀਪ ਕੌਰ ਅਰੋੜਾ ਤੇ ਉਹਨਾਂ ਦੇ ਪਤੀ ਡਾ. ਰਾਕੇਸ਼ ਅਰੋੜਾ ਦਾ ਮੋਗਾ ਮੰਡੀ ਵਿਚ ਆਉਣ ਤੇ ਧੰਨਵਾਦ ਕੀਤਾ ਤੇ ਜੀ ਆਇਆ ਕਿਹਾ | ਇਸ ਮੌਕੇ ਤੇ ਦਫਤਰ ਇੰਚਾਰਜ਼ ਆਮ ਆਦਮੀ ਪਾਰਟੀ ਸੁਰਿੰਦਰ ਕਟਾਰੀਆ, ਰੋਸ਼ਨ ਲਾਲ, ਨੀਤਿਸ਼ ਜੈਨ, ਪੰਕਜ ਸੂਦ, ਬਲਜੀਤ ਚਾਨੀ ਕੌਸਲਰ, ਅਮਿਤ ਪੁਰੀ, ਆੜ੍ਹਤੀ ਜੋਰਾ ਸਿੰਘ, ਨੈਬ ਸਿੰਘ, ਬਲਰਾਜ ਬਾਂਸਲ, ਨਰੇਸ਼ ਗੋਇਲ ਕਿੱਟੂ, ਪ੍ਰਵੀਨ ਗਰਗ, ਰਤਨ ਗਰਗ, ਸਤੀਸ਼ ਜੈਨ, ਰਵੀ ਧੀਰ, .ਯੋਗੇਸ਼ ਗਰਗ, ਰਾਜਿੰਦਰ ਜੈਨ, ਗੁਰਪ੍ਰਤਾਪ ਸਿੰਘ ਖੋਸਾ, ਰਾਹੁਲ ਗਰਗ, ਕਸ਼ਿਸ਼ ਬਾਂਸਲ, ਹੰਸਰਾਜ ਮੰਗਲਾ, ਮੁਰਾਰੀ ਸਿੰਗਲਾ, ਗੁਰਸੇਵਕ ਸਿੰਘ, ਕਪਿਲ ਗਰਗ, ਰਾਮ ਨਿਵਾਸ ਗਰਗ, ਪ੍ਰਦੀਪ ਮੰਗਲਾ ਆਦਿ ਆੜ੍ਹਤੀਆਂ ਹਾਜ਼ਰ ਸਨ |