ਮੋਗਾ,22 ਮਈ (ਜਸ਼ਨ):ਸ਼੍ਰੀ ਸਾਲਾਸਰ ਧਾਮ ਚੈਰੀਟੇਬਲ ਸੁਸਾਇਟੀ ਵੱਲੋਂ ਮੋਗਾ ਦੇ ਸ਼੍ਰੀ ਸਾਲਾਸਰ ਧਾਮ ਮੰਦਿਰ ਵਿਖੇ ਆਯੋਜਿਤ ਵਿਸ਼ੇਸ਼ ਸਮਾਗਮ ਦੌਰਾਨ ਨਈਂ ਉਡਾਨ ਸੋਸ਼ਲ ਐਂਡ ਵੈੱਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਸ਼੍ਰੀ ਨਵੀਨ ਸਿੰਗਲਾ ਨੂੰ ਉਹਨਾਂ ਵੱਲੋਂ ਕੀਤੀ ਜਾ ਰਹੀ ਸਮਾਜਸੇਵਾ ਬਦਲੇ ਸਨਮਾਨਿਤ ਕੀਤਾ ਗਿਆ।  ਇਸ ਮੌਕੇ ਸੁਸਾਇਟੀ ਦੇ ਮੁੱਖ ਸੰਸਥਾਪਕ ਸੁਸ਼ੀਲ ਮਿੱਡਾ ਤੋਂ ਇਲਾਵਾ ਯਕੀਨ ਕੁਮਾਰ, ਸੌਰਬ ਗੋਇਲ, ਗਗਨ ਗਾਬਾ, ਪਵਨ ਅਰੋੜਾ, ਜਗਦੀਸ਼ ਤਾਗੜੀ, ਗੌਰਵ ਨਾਗਪਾਲ,ਪਿ੍ਰਤਪਾਲ ਸਿੰਘ ਲੱਕੀ ,ਰਾਜ ਅਰੋੜਾ, ਰਾਜੇਸ਼ ਕੋਛੜ, ਸੰਜੀਵ ਗੁਪਤਾ ,ਸੁਰਿੰਦਰ ਡੱਬੂ, ਨਵੀਨ ਗੋਇਲ, ਵਿਨੋਦ ਜਿੰਦਲ, ਮਨੋਜ ਜੈਸਵਾਲ, ਲਲਿਤ ਕਲਸੀ, ਵਿਕਾਸ ਗੁਪਤਾ, ਵਿਕਰਮ ਕਲਸੀ ,ਦੀਪਕ ਮਰਵਾਹਾ, ਰਾਬਿਨ ਅਰੋੜਾ, ਮੋਹਿਤ ਸੱਚਦੇਵਾ, ਸੌਰਬ ਜਿੰਦਲ, ਰਜਨੀ ਅਰੋੜਾ, ਅਨਮੋਲ ਅਰੋੜਾ ਆਦਿ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ । 
ਇਸ ਮੌਕੇ ਸੁਸ਼ੀਲ ਮਿੱਡਾ ਨੇ ਆਖਿਆ ਕਿ ਸ਼੍ਰੀ ਬਾਲਾ ਜੀ ਮਹਾਰਾਜ ਦੀ ਕਿਰਪਾ ਸਦਕਾ ਪ੍ਰਧਾਨ ਨਵੀਨ ਸਿੰਗਲਾ ਨਿਰਸਵਾਰਥ ਸੇਵਾਵਾਂ ਨਿਭਾਉਂਦਿਆਂ ਇਨਸਾਨੀਅਤ ਦੇ ਰਾਹ ’ਤੇ ਚੱਲ ਰਹੇ ਹਨ, ਇਸੇ ਕਰਕੇ ਸ਼੍ਰੀ ਸਾਲਾਸਰ ਧਾਮ ਚੈਰੀਟੇਬਲ ਸੁਸਾਇਟੀ ਉਹਨਾਂ ਨੂੰ ਸਨਮਾਨਿਤ ਕਰਦਿਆਂ ਫਖ਼ਰ ਮਹਿਸੂਸ ਕਰ ਰਹੀ ਹੈ  । 
ਇਸ ਮੌਕੇ ਨਈਂ ਉਡਾਨ ਸੋਸ਼ਲ ਐਂਡ ਵੈੱਲਫੇਅਰ ਸੁਸਾਇਟੀ ਦੇ  ਪ੍ਰਧਾਨ ਨਵੀਨ ਸਿੰਗਲਾ ਨੇ ਬਾਲਾਜੀ ਮਹਾਰਾਜ ਦੀ ਸੇਵਾ ਨੂੰ ਸਮਰਪਿਤ ਸੁਸਾਇਟੀ ਦੇ ਸਮੂਹ ਮੈਂਬਰਾਂ ਦਾ ਸ਼ੁਕਰੀਆ ਅਦਾ ਕੀਤਾ ਅਤੇ ਵਿਸ਼ਵਾਸ਼ ਦਿਵਾਇਆ ਕਿ ਉਹ ਭਗਵਾਨ ਦੀ ਕਿਰਪਾ ਸਦਕਾ ਭਵਿੱਖ ਵਿਚ ਵੀ ਮਾਨਵਤਾ ਦੀ ਸੇਵਾ ਨੂੰ ਸਮਰਪਿਤ ਰਹਿਣਗੇ।